MATIUS 4:23 - Sura' Madatu

²³ Malemi tu Yesu ullelei mintu’ tana Galilea mangada’i lan lu banua pa’kombonganna tau, sia umpa’peissanan Kareba kaparannuan diona ParentaNa Puang Matua sia umpasoro’ mintu’ saki sia rammun dio mai kalena tau.

MATIUS 4:23 ပူးပေါင်းရင်းမြစ်များ

PA’PUDIAN 103:3

Tu umpa’dei mintu’ salamu, sia umpamondo mintu’ sakimmu.

PA’PUDIAN 74:8

Nakua tu tau iato mai lan penaanna: Malekomi mai anta sabu’i nasangi tu mati’ tau! Naballa nasangmi tu banua passambayangan lako Puang Matua lan tana iate.

MATIUS 11:5

Iamotu to buta pakita sia to kupi’ lumingka, to golenan dipamondo sia to taru parangi, sia to mate dipatuo sia Kareba kaparannuan dipa’peissanan lako to kalala’.

MATIUS 12:9

Ke’de’mi inde to dio mai, Natama banua pa’kombonganna tau iato mai.

MATIUS 13:19

Iatu mintu’nato urrangii tu diona Parenta Suruga iato, natae’ napemanassai, saemi to bulituk unnalai tu apa diambo’ tama penaanna; iamoto tu tiambo’na dio biring lalan.

MATIUS 13:54

Tonna rampomo lako tondok Nanii lobo’ Naada’imi tu tau lan lu banua pa’kombonganna, anna mangnga tu tau sia nakua: Umbara Ia Nanii te Tau iate unnalai tu kamatarrusan susito, sia iatu tanda mangnga?

MATIUS 14:14

Rampomi tu Yesu, Nakitai tu tau lendu’ budanna; mamassengmi lako tau iato mai, Napamalekei tu mai mintu’na masakinna.

MATIUS 24:14

Iatu Kareba kaparannuan diona ParentaNa Puang Matua la dipa’peissanan lan mintu’ lili’na te lino la mendadi tanda sa’binna lako mintu’ bangsa; undinnato, maneri sae tu katappuranna.

MATIUS 3:2

nakua: Mengkatoba’komi, belanna mengkareke’mo tu Parenta Suruga.

MATIUS 9:35

Malemi tu Yesu ullelei mintu’ kota sia kampong, Namangada’i lan lu banua pa’kombonganna tau sia umpa’peissanan Kareba kaparannuan diona parentanNa Puang Matua sia umpasoro’ mintu’ saki sia rammun.

MARKUS 1:14

Iatonna dipa’petarungkuammo tu Yohanes, saemi Yesu lako tana Galilea umpatiranda kareba kaparannuan lu dio mai Puang Matua.

MARKUS 1:21

Malemi tama Kapernaum, na iatonna allo katorroan, ta’pa malemi tu Yesu tama banua pa’kombongan sia unnada’i tau.

MARKUS 1:39

Nasae mangada’i lan lu mintu’ banua pa’kombonganna tau ullelei mintu’ tana Galilea sia urrambai deata masussuk.

MARKUS 3:10

Belanna budamo tau Napamaleke, naurunganni padami tau narua saki padami sae umpessuangan kalena lako, la morai ungkaka’ bangI.

MARKUS 6:2

Iatonna allo katorroammo Naparandukmi mangada’i lan banua pa’kombongan; mangnga nasangmi tu mintu’ to buda tonna rangi sia nakua: Umbara Nanii unnalai te tau iate tu iannato sia tumba ia tu kamatarrusan dikamaseanNi? Anna paden duka tanda mangnga susito, tu limanNa?

LUKAS 10:9

sia pamalekei tu mintu’nato masaki dio sia pokadai lako kumua: nareke’mokomi tu ParentaNa Puang Matua.

LUKAS 13:10

Iatonna allo katorroan, mangada’imi tu Yesu lan misa’ banua pa’kombongan.

LUKAS 16:16

Iatu Sukaran alukNa Puang Matua sia sura’na mintu’ nabi sae lako tonna attunna Yohanes, randuk tonna attu iato nadipatale’ tu Kareba-kaparannuan diona ParentaNa Puang Matua napantan merruku bang tama.

LUKAS 20:1

Den sangallo tonna iato, marassanmo Yesu unnada’i mintu’ to lan Banua Kabusungan sia umpa’peissanan Kareba-kaparannuan, saemi pangulu to minaa sia pandita Sura’ sola pekaamberan umpellambi’I,

LUKAS 4:14

Napasulemi kamatotoranNa Penaa Masallo’ tu Yesu lako Galilea; lelemi karebanNa dio mintu’ lili’na tondok iato.

LUKAS 5:17

Dikua den sangallo mukkunmo mangada’i, naden ba’tu pira to Farisi unno’ko’ dio sia pandita Sukaran aluk, tu pantan sae dio mai mintu’ tondok Galilea sia Yudea, sia dio mai Yerusalem, sia kamatotoranNa Puang Matua dio ren, anNa matoto’ Yesu umpamalekei tu tau.

LUKAS 6:17

Mengkalaomi tu Yesu sola tau iato, natorro dio marantena, den pole’omi kasirampunanna anak gurunNa sia tang pada budanna tau sae dio mai tondok Yudea sia dio mai tondok Yerusalem sia

LUKAS 6:6

Den pole’omi pissan tonna allo katorroan, mentamami tu Yesu tama banua pa’kombongan, anNa mangada’i; denmi misa’ tau lan kope lima kananna.

LUKAS 7:21

Iatonna attu iato, buda tau marassan Napamaleke Yesu, tu to narua ma’rupa-rupa saki sia to masaki tang dampi-dampian sia to nataba deata masussuk sia buda to buta Napapakita.

LUKAS 7:22

Mebalimi Yesu lako, Nakua: Malemokomi, parampoanni Yohanes tu mintu’na mangka mitiro sia mirangi: To buta pakita, to kupi’ lumingka malolo, to golenan dipamondo sia to taru parangi, to mate dipatuo sule, Kareba melo dipa’peissanan lako to kalala’.

LUKAS 8:1

Undinnao to malemi tu Yesu ma’lele-lele lan lu mintu’ tondok kapua sia tondok bitti’, mangada’i sia umpalele Kareba-kaparannuan tu diona ParentaNa Puang Matua; na iatu anak gurunNa sangpulo dua male duka sola.

LUKAS 9:11

Iatonna issanmi to buda, sangundiammi urrundu’I. Natarimai Yesu sia Nauleleanan lako tu diona ParentaNa Puang Matua sia Napamaleke tu sipatunna siamo dipamaleke.

LUKAS 9:60

Nakuami Yesu lako: Da’ito na to matemora umpeliang to matena, malemoko ria umpatale’ ParentaNa Puang Matua.

YOHANES 18:20

Nakuami Yesu mebali lako: Aku te Kupopempayan bang tu kadangKu lako issinna lino; tontong bangNa’ mangada’i lan banua passambayangan sia lan Banua Kabusungan, tu naninna mintu’ to Yahudi sirampun, natae’ bang misa’ Kupokada buni.

YOHANES 6:59

Mintu’na to Napokada lan banua pa’kombongan, tonna mangada’i dio Kapernaum.

YOHANES 7:1

Undinnato malemi tu Yesu ullelei tana Galilea, belanna tae’ namorai ullelei tu tana Yudea, apa undaka’ tangnga’ tu to Yahudi la morai umpatei.

PENGGAURANNA RASULU’ 10:38

tu diona Yesu to Nazaret, umba nakua Puang Matua mangka untokkoI Penaa Masallo’ sia kamatotoran. Tu male lumiling umpogau’ kameloan, sia umpamatana mintu’ to nasakkolo’ deata bulituk; tu belanna Narondong Puang Matua.

PENGGAURANNA RASULU’ 18:4

Nalambi’ oi allo katorroan ma’uleleanoi tu Paulus lan banua pa’kombongan sia napakanassan nala to Yahudi nala to Yunani.

PENGGAURANNA RASULU’ 20:25

Tiromi totemo, kuissan kumua iatu kamu mintu’ tu mangkannamo kutollongi kupokadan ParentaNa Puang Matua, tae’mo mila untiroi rupangku.

PENGGAURANNA RASULU’ 28:31

sia batta’ umpa’peissanan ParentaNa Puang Matua sia umpa’pangadaran mintu’ tu diona Puang Yesu Kristus, tae’ nadigagai len.

ROMA 10:15

Sia umba la nakua umpa’peissananni, ke tae’i nadisua? Susi tu disura’ nakua: Tang pada ia melona lentekna tu to umbaa Kareba-kaparannuan diona melona.