MATIUS 4:18 - Sura' Madatu

¹⁸ Iatonna sumalong-malong dio randan tasik Galilea, Nakitami tu Petrus sola siulu’na disanga Andreas, marassan umbuang dalla’ diong tasik, belanna tau iato pa’dalla’.

MATIUS 4:18 ပူးပေါင်းရင်းမြစ်များ

KATASSURAN 3:1

Iatu Musa ullaai bembe’ sia dombana Yitro, matusanna, to minaa dio Midian. Den pissan tonna baai tu bembe’ sia dombana ullendu’i padang pangallaran, rampomi lako buntunNa Puang Matua, disanga Horeb.

KATASSURAN 3:10

Iamoto maimoko angku suako male mennolo lako Firaun, ammu solanni sun lan mai tondok Mesir tu taungKu, iamotu to Israel.

YEHEZKIEL 47:10

Na iatu to mebale la bendan dio randanna, randuk dio mai En-Gedi sae lako En-Eglaim, iamoto tu inan la nanii umballa’ dalla’na, anna ma’rupa-rupa tu bale lan, susitu mai bale lan tasik kapua, lendu’ budanna.

KADIBILANGAN 34:11

Na dio mai Sefam, iatu passaparanna la lu rokko Ribla, rampe matallona Ain; namane passaparan iato lu rokko sia sipeupu’ tasik Kineret dio rampe matallo.

MATIUS 10:2

Inde sia tu sanganna tu rasulu’ sangpulo dua: Bunga’na Simon tu diganti Petrus, sia Andreas siulu’na; sia Yakobus, anakna Zebedeus, sia Yohanes siulu’na Yakobus;

MATIUS 15:29

Ke’de’mi tu Yesu inde to dio mai, Namale urrundunan biring tasik Galilea; kendekmi langngan misa’ tanete, Naunno’ko’ dao.

MATIUS 16:18

Sia Aku Kukua mati’ kumua, ikomo te tu Petrus, sia dao batu iate la Kunii umpabendan kombongangKu, sia bambana mukkun tae’ nabelai untaloi.

MATIUS 4:19

Nakuami ungkuanni: Malekomi mai urrundu’Na’ angKu popendadikomi pa’dalla’ tau.

MARKUS 7:31

Iatonna sun pole’omo lan mai lili’na Tirus, Nalendu’i tu Sidon rampomi lako tasik Galilea lan tangnga-tangngana lili’na Dekapolis.

LUKAS 6:14

Iamotu Simon, tu diganti Petrus, na siulu’na, disanga Andreas, sia Yakobus, sia Yohanes, Filipus,

YOHANES 21:1

Undinnato umpa’pekitanan pole’omi Kalena tu Yesu lako anak gurunNa dio randan tasik Tiberias. Susite tu kaumpa’pekitananNa Kalena.

YOHANES 6:1

Undinnato malemi tu Yesu lako lamban lianna tasik Galilea, iamo tasik Tiberias.

YOHANES 6:8

Denmi misa’ tu anak gurunNa iamotu Andreas siulu’na Simon Petrus, nakua lako:

PA’TOLE 3:17

namane Araba-Yordan sia Yordan sola lili’na randuk dio mai Kineret sae lako tasik Araba, iamotu tasik Ma’sin, dio garonto’ mennaa’na Pisga ma’palulako rampe matallo.