MATIUS 4:15 - Sura' Madatu

¹⁵ Iatu padangna Zebulon sola Naftali, padang lakona tasik, rampe lianna Yordan, iamotu Galilea padang to kapere’;

MATIUS 4:15 ပူးပေါင်းရင်းမြစ်များ

1 DATU 9:11

Iatu Salomo natundui Hiram, datu Tirus, diona tu kayu arasi’ sia sendana sia bulaan pada tu naporainna. Attu iato nabenmi datu Salomo duangpulo kota dio tondok Galilea tu Hiram.

2 DATU 15:29

Iatonna linona Pekah, datu Israel, saemi tu Tiglat-Pileser, datu Asyur, untalo kota Iyon. Abel-Bet-Maakha, Yanoah, Kedesh sia Hazor, Gilead sia Galilea, sia mintu’ tondok Naftali; napali’i tu pa’tondokan lako Asyur.

YESAYA 9:1

Iatu to lolang lan kamalilinan, la untiro arrang kapua sia iatu mintu’ to naluang bayo-bayo kamatean la bu’tu tu arrang lako.

MATIUS 4:13

Natampemi tu tondok Nazaret anna lu tama Kapernaum natorro dio, dio to’ randan tasik, nalili’na padangna Zebulon sola Naftali,

MATIUS 4:14

anna sundun tu kadanna nabi Yesaya, tu nakua:

MATIUS 4:25

Budami tau dio mai Galilea sia Dekapolis sia Yerusalem sia Yudea sia dio mai lamban lianna salu Yordan undi urrundu’I.

LUKAS 24:27

Naparanduk diomi mai Musa sia mintu’ nabi Nabattuananni lako tu dipokadanna lan mintu’na sura’ diona Ia.

YOSUA 20:7

Napamarimbangan tau iato mai tu Kedesy dio Galilea dao buntu Naftali sia Sikhem dao buntu Efraim sia Kiryat-Arba, iamotu Hebron, dao buntu Yehuda.

YOSUA 21:32

Sia dio mai suku Naftali, iamotu Kedesh, kota pentilindunganna to papatean, dio Galilea sola padang kariuanna, Hamot-Dor sola padang kariuanna na Kartan sola padang kariuanna: tallu kota.