MATIUS 4:12 - Sura' Madatu

¹² Iatonna rangimi Yesu kumua dipa’petarungkuammo tu Yohanes, sulemi lako tana Galilea.

MATIUS 4:12 ပူးပေါင်းရင်းမြစ်များ

MATIUS 11:2

Iatonna rangii Yohanes tonna lan pa’tarungkuan tu diona mintu’na penggauranNa Kristus, mepasanmi lako anak gurunna,

MATIUS 14:3

Iatu Herodes mangkamo untingkan Yohanes anna pungoi, napatamai pa’tarungkuan tu belanna Herodias bainena Filipus, siulu’na.

MARKUS 1:14

Iatonna dipa’petarungkuammo tu Yohanes, saemi Yesu lako tana Galilea umpatiranda kareba kaparannuan lu dio mai Puang Matua.

MARKUS 6:17

Belanna Herodes kalena mangka ussua tau untingkanni tu Yohanes, napungoi lan pa’tarungkuan tu belanna Herodias, bainena Filipus siulu’na, pa napobainemo Herodes.

LUKAS 23:5

Napamakarra’ pissanorami tu kadanna, nakua: Umpatigega’ to buda te tau iate, lao ullilingi tondok Yudea unnada’i tau tempon dio mai Galilea sae inde te mai.

LUKAS 3:20

naranganni pissanoi tu kakadakean iate napogau’ untarungku Yohanes lan pa’tarungkuan.

LUKAS 4:14

Napasulemi kamatotoranNa Penaa Masallo’ tu Yesu lako Galilea; lelemi karebanNa dio mintu’ lili’na tondok iato.

LUKAS 4:31

Solo’mi rokko Kapernaum, tondok dio Galilea, naada’i tu tau dio lu, ke allo katorroan.

YOHANES 1:43

Iatonna masiang to la malemi lako Galilea; Nasiappa’ Filipus. Nakuami ungkuanni: Undiko urrundu’Na’.

YOHANES 2:11

Iamo te tu bunga’na tanda kalle-kallean tu Napogau’ Yesu dio Kana tana Galilea, sia umpa’pekitanan kamala’biranNa; napatonganmi anak gurunNa.

YOHANES 3:24

Belanna attu iato tae’pa nadipatama pa’tarungkuan tu Yohanes.

YOHANES 4:43

Duang allo lendu’nato ke’de’mi tu Yesu dio mai Namale lako Galilea,

YOHANES 4:54

Iamote tu tanda kalle-kallean ma’penduanna Napogau’ Yesu tonna lu dio mai tana Yudea Nasae lako Galilea.