MATIUS 4:10 - Sura' Madatu

¹⁰ Pakalan Nakuami Yesu lako: Sumarombonko mallai, e deata bulituk, belanna den disura’ kumua: La menombako lako Puang Totumampamu sia Ia mammo mupekapuangi.

MATIUS 4:10 ပူးပေါင်းရင်းမြစ်များ

1 OSSORANNA DATU 21:1

Ke’de’mi tu deata bulituk la umpandasa to Israel, iamoto naa’panmi tu Daud, kumua naia’i tu to Israel.

AYUB 1:12

Ma’kadami tu PUANG lako deata bulituk, Nakua: Manassa iatu mintu’ ianan napoapa lan nasang kuasammu; sangadinna da’ mue’te’ limammu umpata’pai kalena. Pakalan tassu’mi tu deata bulituk dio mai oloNa PUANG.

AYUB 1:6

Den sangallo saemi tu mai anakNa muane Puang Matua umpennoloi PUANG sia sae duka tu deata bulituk nasisolan.

AYUB 2:1

Den sangallo saemi tu mai anakNa muane Puang Matua la umpennoloi PUANG sia sae duka tu deata bulituk ussolanni umpennoloi PUANG.

PA’PUDIAN 109:6

Patulangdanni tu misa’ to tang mekaaluk la umbisarai, sia da’ito anna ke’de’ dio kananna tu misa’ to ma’parapa’.

KATASSURAN 23:25

La menombakomi lako PUANG, Kapenombammi na Ia la umpasikambi’i kamasakkean tu kandemu sia uaimmu, sia mintu’ saki la Kupatoyang dio mai kalemu.

YESAYA 30:22

Attu iato la mubilang masareppak tu salaka sapu’na mintu’ rapang-rapang dipodeatammu tu dipa’ sia bulaan sapu’na mintu’ rapang-rapang dipodeatammu tu dipati’no’, sia la mutibean susito sampin marota’, ammu ma’kada: mallaiko.

MATIUS 16:23

Apa memboko’ tu Yesu, anNa kua lako Petrus: Pallaiko lako boko’Ku, e deata bulituk! Ikomo misa’ tu la untumangNa’, belanna tangia diona Puang Matua muinaa-naa, sangadinna diona tolino.

MARKUS 1:13

Patangpulo allona dio tu padang pangallaran naroso deata bulituk anNa sisola bang olo’-olo’ masuru, sia malaeka’ ungkamayai.

LUKAS 10:18

Nakuami Yesu lako: Kutiro tu deata bulituk tobang dao mai langi’, takua tokila’.

LUKAS 11:18

Susi dukamoto, iake ia kalena sisarangnga’ tu deata bulituk, naumba nakua la bendan tu parentana? – belanna mikua kumua: iari Kurambai deata, pa’tunduannari Beelzebul.

LUKAS 13:16

Na iate baine iate anakna Abraham, nasangkin bang deata bulituk, aa sangpulo karuamo taunna, tang sipaturaka dirampanan dio mai sangkinna te allo katorroan iate?

LUKAS 22:3

Iatonna iato natamaimi deata bulituk tu Yudas, tu diganti Iskariot, siposangpulo duanna tu anak gurunNa Yesu.

LUKAS 22:31

Nakuami Puang: E Simon, Simon, lendu’ nakabarinna deata bulituk la unta’piikomi susi barra’,

LUKAS 4:8

Mebali Yesu lako Nakua: Lan Sura’Na Puang Matua nakua: La menombako lako Puang Kapenombammu sia Ia mammo mupekapuangi.

YOHANES 13:27

Iatonna mangkamo Yudas untarimai tu sangsuakan, tamami deata bulituk lan penaanna. Nakuami Yesu ungkuanni: Iatu mupogau’na, pogau’mi madomi’.

PENGGAURANNA RASULU’ 26:18

ammu pamillikki tu matanna, anna memboko’ dio mai malillinna lako maserona, sia dio mai parentana deata bulituk lako Puang Matua, anna kabu’tui kadipa’deian kasalan sia mana’ sisola tu mintu’ to dipamaindan tete dio kapatonganan lako Kaleku.

PENGGAURANNA RASULU’ 5:3

Apa nakua Petrus: E Ananias, ma’apai naponnoi deata bulituk tu penaammu la ungkamorang-morangi Penaa Masallo’, ammu patorro senga’i sangsese tu alli padang?

1 KORINTUS 5:5

la tasorong tu to susito lako deata bulituk tete dio sanganNa Puangta Yesu, nasanggang tu pa’kaleanna, anna makarimman tu penaanna, ke alloNa Puang.

1 KORINTUS 7:5

Da mima’pasitanan, bokoranna ke pada elo’mi patomalimmi ba’tu sangapa-apa, anna den kapalambirammi massambayang, mimane sisola sule, da anna rosokomi deata bulituk, apa tae’ mibelai untaloi kalemi.

2 KORINTUS 11:14

Iatu iannato tangngia memangngai, belanna deata bulituk duka unna’ga kalena susito malaeka’ marorrong.

2 KORINTUS 12:7

Sia diona untimbangi tu kamakalaen-laenna tongan mintu’ pa’paombo’. Iamoto dikua da angku pamadaoan kaleku, angku mangka diben duri untossok-tossokki tu kaleku, iamo misa’ pesuanna deata bulituk, tu untumbuina’ pebusuk da angku pamadaoan kaleku.

2 KORINTUS 2:11

kumua da’ nasau’ tangnga’ki’ deata bulituk, apa tang taissanpiraka tu lalan penaanna.

PA’TOLE 10:20

La mukataku’ tu PUANG Kapenombammu, sia la mupengkaolai sia la’ka’ko lako sia umpalaoko sumpa tete dio sanganNa.

YAKOBUS 4:7

Sorongkomi kalemi lako Puang Matua, ammi eai tu deata bulituk, nasorong boko’ dio mai kalemi.

YOSUA 24:14

Iamoto la mikasiri’ tu PUANG sia la mipenombai situang penaa lantuk sia maruru’, ammi boko’i tu mintu’ deata tu napenombai nene’ to dolomi sambalinna lu Salu sia dio Mesir, ammi pengkaolai PUANG.

1 PETRUS 5:9

Eai kapatonganan batta’, belanna miissan, kumua mintu’ kamaparrisan susito, naupu’ naperasai mintu’ sangsiulurammi lan lili’na lino.

1 SAMUEL 7:3

Attu iato ma’kadami tu Samuel lako mintu’ to Israel, nakua: Iake lantuk tonganni penaammi mengkatoba’ lako PUANG, la mitibe tu mintu’ rapang-rapang dipodeata dio mai kalemi, susi dukato tu mintu’ Astoret sia la mipopennolo lako PUANG tu penaammi sia Ia manna la mipenombai, na ia ke susito, Iamo la ullendokankomi dio mai limanna to Filistin.