MATIUS 3:9 - Sura' Madatu

⁹ Sia da misangai sia ma’kada lan penaammi kumua: Abraham kita tu ambe’ta; belanna kukua lako kalemi, kumua iatu Puang Matua kuasa umpadadianni anak Abraham te mai batu.

MATIUS 3:9 ပူးပေါင်းရင်းမြစ်များ

YEHEZKIEL 33:24

E ma’rupa tau iatu tau torro dio inan daun-lauan lan tondok Israel ma’kada nakua: Iatu Abraham ia manna misa-misai, anna pomana’i tu tondok iato; kami budakan diben dukakan tu tondok iato la kipomana’.

MARKUS 7:21

Belanna lan mai, iamotu lan mai penaanna tau, sun tangnga’ kadake, gau’ sala, kabokoan, kapapatean,

LUKAS 12:17

Ma’tangnga’mi lan penaanna, nakua: Umbara la kukua ma’tangnga’? belanna tae’ inan la kunii umpalangnganni tu mintu’ bura padangku.

LUKAS 16:24

Metambami nakua: O ambe’ku Abraham, kamaseina’, suanna’ dikka’ tu Lazarus, naotonni tu tampak rakka’na rokko uai, nasakka’i bangi tu lilaku, belanna tang kutananmo tu malallangna lan te to’ api.

LUKAS 19:40

Mebalimi nakua: Kukua lako kalemi: Iake la ma’loko-lokoi tinde mai, inang la kumalasi-lasi tu batu.

LUKAS 3:8

Iamoto dadi pasombomi tu bua sitinayanna katobaran sia da mikua lan penaammi kumua: Abraham kami tu ambe’ki belanna kukua lako kalemi, kumua iatu Puang Matua matoto’ umpadadianni anak Abraham te mai batu.

LUKAS 5:22

Iatonna issanmi Yesu tu pa’tangngaranna tinde tau sola nasang, Nakuami: Apara mitangnga’-tangnga’ lan penaammi?

LUKAS 7:39

Iatonna tiroi to Farisi untoratu Yesu tu iannato, nakuami lan penaanna: Iakenna la nabi te Tau iate, manassa Natandai, mindara, sia baine apara te, tu ussapui lako, belanna ia tinde baine to kadake gau’na!

YOHANES 8:33

Nakuami tinde tau lako: Kami te taruknakan Abraham, sia tae’pa kibelai mengkaunan len lako misa duka tau; matumbai amMi kua: Ammi lessu’?

YOHANES 8:37

Kuissan kumua taruknakomi Abraham, apa undaka’komi lalan la umpateiNa’, belanna tae’ nala’ka’ lan penaammi tu kadangKu.

YOHANES 8:53

Kamuraka la ondong na iatu ambe’ki Abraham, tu mangkamo mate? sia mintu’na nabi mate nasangmo. Mindara la Mipasusian Kalemi?

PENGGAURANNA RASULU’ 13:26

Kamu tu siulu’ki, tarukna Abraham sia mintu’mi tu ungkataku’Na Puang Matua, diparampomo lako kaleta tu kareba-kamakarimmanan iate.

PENGGAURANNA RASULU’ 15:14

Mangkamo naulelean Simon tumba mulanna anNa kilalai Puang Matua tu to kapere’ anNa alai lan mai tu sangbangsa tau la umpangke’ sanganNa.

ROMA 4:1

Apara la takua? Naposenderaka Puang Matua diona a’gan kale tolino tu Abraham, ambe’ta?