MATIUS 3:7 - Sura' Madatu

⁷ Apa iatonna tiroi, buda tu to Farisi sia to Saduki sae duka la ma’popedio’, nakuami lako: E bati’ ula’ rame, mindara umpatudukomi umpallaian kalemi dio mai tu kasengkean la sae undinna?

MATIUS 3:7 ပူးပေါင်းရင်းမြစ်များ

KADADIAN 3:15

La Kupaden tu kasiualiammu na iate baine sia bati’mu anna bati’na; iamo la unnisak-nisakki tu ulummu ammu totokki tu kambutu’na!

SARAMBU PEADA’ 28:4

Iatu to umboko’i sukaran aluk, umpudi to tang mekaaluk, apa minda-minda ungkaritutui sukaran aluk napomatana’ tu tau iato.

YESAYA 59:5

Tau iato mai unnarranni tallo’ ula’ balu sia untannun banua laa-laa. Minda-minda ungkandei tu tallo’na, manassa la mate; iake ditessei tu tallo’ iato, tassu’mi lan mai tu misa’ ula’ rame.

YEREMIA 51:6

Mallaikomi lan mai Babel, pantan la umpallaiangkomi katuoammi; da misanggang, ke naukungi Puang tu kakadakeanna, belanna attu iamote tu pa’bala’Na PUANG, la Nanii umbenni poleanna sitinaya penggauranna.

YEREMIA 6:10

Mindara tu la kupa’kadai sia la kuada’i, kumua anna perangii? Manassa iatu talinganna tau iato mai tang disunna’i. Iamoto natang parangi; iatu kadanNa PUANG susito apa ditatta dio tau iato mai, tae’ napasiolai.

MATIUS 12:24

Apa iatonna rangii to Farisi tu iannato, nakuami: Iari Naurrambai deata masussuk te tau iate, pa’tunduannari Beelzebul, pangulunna deata.

MATIUS 12:34

E bati’ ula’ rame, umba la mikua umpokadai tu melona, anna kamu kalena to kadake? Belanna kala’biammira diong penaa anna ma’kada tu puduk.

MATIUS 15:12

Pakalan saemi tu anak gurunNa, nakua lako: Miissan siaraka kumua mapa’di’ penaa tu to Farisi, tonna rangii tu kada susi to?

MATIUS 16:1

Saemi tu to Farisi sia to Saduki la untoba Yesu, umpalakui lako la Napakitan misa’ tanda kakuasan dao mai langi’.

MATIUS 16:6

Nakuami Yesu ungkuanni: Pengkilalai tongan-tonganni, penandaikomi kalemi dio mai raginna to Farisi sia to Saduki.

MATIUS 22:15

Tonna iato malemi tu to Farisi sipakulu-kulu umba la nakua umpoya kadai tu Yesu.

MATIUS 22:23

Iatonna allo ia bangsiato, saemi ba’tu pira-pira to Saduki lako Kalena tu umpokadai kumua: tae’ tu katuoan sule, anna mekutana lako, nakua:

MATIUS 22:34

Iatonna rangii to Farisi tu diona Yesu umpo’don to Saduki, sirampunmi.

MATIUS 23:33

E ula’ sia bati’ ula’. Umba la mikua umpallaian kalemi dio mai ukungan naraka?

MATIUS 5:20

Belanna Kukua lako Kalemi: Iake tae’i nalosong tu kamaloloammi na iatu kamaloloanna pandita Sura’ sia to Farisi, dennoraka mila tama len Parenta Suruga.

MARKUS 12:13

Nasuami tinde tau lako Yesu ba’tu pira-pira tu to Farisi sia to Herodian, la umpetilende’i tu kadanNa.

MARKUS 12:18

Saemi ba’tu pira-pira to Saduki lako Kalena – tu umpokadai kumua: tae’ ia katuoan sule – anna mekutana lako, nakua:

MARKUS 8:15

Ma’pakainga’mi Yesu lako Nakua: Pengkilalai tongan-tonganni, penandaikomi kalemi dio mai raginna to Farisi sia dio mai raginna Herodes.

LUKAS 16:14

Iate mintu’na te narangi nasang to Farisi, to inang ungkaduangi bang doi’, natelle-tellei tu Yesu.

LUKAS 18:11

Ke’de’mi tu to Farisi massambayang lan penaanna, nakua: O Puang Matua! ma’kurre sumanga’na’ lako Kalemi, belanna aku te tae’ kususi to senga’, to unnalai bang apanna tau, ba’tu to matampo, ba’tu to pasandak salu lako rampanan kapa’, ba’tu susite passima iate;

LUKAS 7:30

Apa iatu to Farisi sia pandita Sukaran aluk mangkamo natumpu tu Napondokanni Puang Matua, belanna noka nadio’,

YOHANES 1:24

Iatu to disua, to Farisi.

YOHANES 8:44

Kamu te bu’tu diokomi mai ambe’mi deata bulituk, sia mintu’ tu kamoraianna ambe’mi mipeolai. Iamo papongko tolino tempon dio mai mulanna, tang unnola salunna, belanna tae’ kamanapparan dio kalena. Iake ma’kada mo’rangi, napasiolanan tu kedona umpokadai, belanna ia mo’rang, sia ambe’ kamo’rangan.

YOHANES 9:40

Denmi ba’tu pira-pira tu to Farisi Nasirondongan urrangii te kada iate, nakuami lako: Buta dukarakannika?

PENGGAURANNA RASULU’ 15:5

Apa ke’de ba’tu pira-pira to lu dio mai kasiturusan to Farisi, tu ma’patongannamo, sia nakua: Sipatu la disunna’ tu mati’ tau sia dipepasanan lako anna turu’i tu sukaran alukna Musa.

PENGGAURANNA RASULU’ 20:31

Iamoto dadi kanandai sia pengkilalai kumua tallung taunna’ keallo kebongi tae’ kutorei umpakilala simisa’i tu tau situru’ uai matangku.

PENGGAURANNA RASULU’ 26:5

Belanna natandai tempon diona’ mai, na iake morai ma’din nakatottongi, kumua untoe tonganna’ atoran to Farisi, tu kasiturusan ungkanannangi kapekaalukanta.

PENGGAURANNA RASULU’ 5:17

Ke’de’mi tu Tominaa Kapua sola mintu’ solana, tu mai sangserekanna to Saduki, ponno bangmo kamabirisan lan penaanna,

ROMA 1:18

Belanna iatu kasengkeanNa Puang Matua Napapayan dao mai suruga lako mintu’ katangmekaalukanna sia kakelokanna tau, tu umpai’pinni kakelokan tu kamanapparan;

ROMA 5:9

Anna totemo dibilang malolomoki’ tete dio raraNa, ondong pissanpi la Nakarimmanniki’ dio mai kasengkean.

1 TESALONIKA 1:10

sia untayan kasaeanNa AnakNa dao mai suruga, tu mangka Napamalimbangun dio mai to’ to mate, iamotu Yesu, tu ullendokangki’ dio mai kasengkean la sae undinna.

IBRANI 11:7

Bannang dio dukamora kapatonganan na iatu Nuh, tonna mangkamo Puang Matua umpokadanni tu diona apa tang dikitapa, ungkasiri’mi Puang Matua napasakka’i tu lembang iato la umpamakarimman mintu’ to lan banuanna; tete dio kapatongananna napasalai tu mintu’ issinna lino, anna pomana’ kamaloloan tu situru’ kapatonganan iato.

IBRANI 6:18

kumua anna bannang dio te da’dua passalan tang tileluk tu Nanii Puang Matua tang balle, nadipabatta’ tu penaanta te kita mallainnamo mentilindung lako Kalena la untoe kapa’rannuanan tu diomo tingayota,

1 YOHANES 3:10

Dionamora te naniimo sombo umbanna tu anakNa Puang Matua na umbanna tu anakna deata bulituk; minda-minda tang umpogau’ kamalamburan, tae’ nalu dio mai Puang Matua, susi dukato tu to tang umpakaboro’ siulu’na.