MATIUS 3:6 - Sura' Madatu

⁶ umpopedio’mi kalena tu tau anna dio’i Yohanes diong salu Yordan tonna unnaku kasalanna.

MATIUS 3:6 ပူးပေါင်းရင်းမြစ်များ

EZRA 10:1

Iatonna marassan tu Ezra massambayang sia unnaku kasalanna sia tumangi’ tukku dio tingayo banuanNa Puang Matua, sirampunmi tu tau buda tongan dio mai to Israel lako kalena, iamotu muane, baine sia pia, belanna iatu to buda randukmo siurrukan.

PA’PUDIAN 32:5

Angku tuarasan kasalangku mati’ Kalemi, sia tae’ angku buni kakadakeangku; kukuami ma’kada: La unnakuna’ kapatodo-tintingangku lako PUANG. Sela AmMi pa’deimi tu kakadakeangku sia kasalangku.

SARAMBU PEADA’ 28:13

Minda-minda tu ussamboi kapatodo-tintinganna, tae’ nala maupa’, apa minda-minda unnakui sia umboko’i la ungkabu’tui kamaturu-turuan.

YEHEZKIEL 36:25

La Kubura’komi uai masero, ammi masero; la Kupamaserokomi dio mai mintu’ kamaruttakammi sia dio mai mintu’ rapang-rapang dipodeatammi.

DANIEL 9:4

Massambayangmo’ langngan PUANG, Kapenombangku sia mangaku sala, kukua: O Puang, Puang Matua pasareongan sia metakuran, tu ungkanana’i basse sia kamasokanan lako tu mintu’ to ungkamali’Komi sia ungkaritutui pepasanMi.

SURA’ KATOMINAAN 16:21

La naremme’ patomali Harun tu ulu bembe’ laki tuo, anna akui dao tu mintu’ kakadakeanna to Israel sia mintu’ kapatodo-tintinganna diona mintu’ kasalanna, sia la naparengnge’i tu ulu bembe’ laki, anna suai tu misa’ tau sakka’ la umpogau’i tu iannato, umbaai tu bembe’ laki lako padang pangallaran.

SURA’ KATOMINAAN 26:40

Apa iake naakui tu kakelokanna sia iatu kakelokanna nene’ to dolona, belanna katangmarurusanna, nanii umpogau’ tang maruru’ lako Kaleku sia ia duka tu naeaNa’ –

KADIBILANGAN 5:7

la naaku tu kasalan napogau’, anna sondai tu mintu’ allinna tu apa napoindan, narangnganni pissan taa pellimanna, nasorongi sule lako to nanii kaindanan.

MATIUS 3:11

Tonganna aku undio’komi uai dikua ammi mengkatoba’, apa iatu To la sae undinna na aku, ondong Ia kuasanNa na aku; tang sipatuna’ la dadi to umbanni lapik lentekNa; Iamo la undio’komi Penaa Masallo’ sia api.

MARKUS 1:5

Sangsunammi tu mintu’ pa’tondokan tana Yudea sia mintu’ pa’tondokan Yerusalem male umpellambi’i, naumpopedio’ kalena tu tau iato mai nadio’i Yohanes diong salu Yordan tonna unnaku kasalanna.

LUKAS 1:16

Sia buda tongan tu to Israel la napasule lako Puang Kapenombanna.

LUKAS 3:16

Mebalimi Yohanes lako mintu’ tau, nakua: Tonganna kudio’komi uai, apa la sae pole undinna tu To ondong Ia kuasanNa na aku, moi ulang lapik lentekNa tang sipatu dukana’ la umbukai. Iamo la undio’komi Penaa Masallo’ sia api.

PENGGAURANNA RASULU’ 1:5

belanna iatu Yohanes undio’ uai tau, apa iate kamu te tae’mora nasangapa mididio’ Penaa Masallo’.

PENGGAURANNA RASULU’ 11:16

Tilanta’mi lan penaangku tu kadanNa Puang tu Napokada kumua: Tonganna umpa’dioran uai tu Yohanes, apa kamu te la didio’komi Penaa Masallo’.

PENGGAURANNA RASULU’ 19:18

Budami tu to ma’patonganmo sae mangaku sala sia umpa’peissanan mintu’ penggauranna.

PENGGAURANNA RASULU’ 22:16

Na totemo, ma’apai muma’marempa-rempa? Ke’de’moko, ammu ma’popedio’ sia dibasei tu mintu’ kasalammu ussa’bu’ sanganNa.

1 KORINTUS 10:2

sia mangka nasangmo umpopedio’ kalena tama Musa tonna onganni salebu’ sia tonna lan tasik,

KOLOSE 2:12

Anna lan pa’dioran dinii umpasilamunkomi, sia lan duka pa’dioran iato dinii umpamalimbangunkomi sola, belanna diona umpatongan kuasanNa Puang Matua tu umpamalimbangunNi dio mai to’ to mate.

IBRANI 6:2

sia pangadaran diona to mai pa’dioran, sia diona urremme’i lima tau, sia diona kamalimbangunanna to mate sia ukungan matontongan.

IBRANI 9:10

na iatu apa iato tu ma’rupa kande sia diiru’na sia ma’rupa-rupa pebase, pangalukan a’gan tolino bangri to, tu dipatageran tau sae lako nalambi’na atoran ma’rundunan melo.

YAKOBUS 5:16

Iamoto sipatukomi la sipangakuan kasalammi sia la sipassambayangankomi, ammi maleke. Iatu passambayangna to malambu’, tu napalantuk penaa, kapua kamatotoranna.

YOSUA 7:19

Ma’kadami tu Yosua lako Akhan, nakua: E anakku, pangke’i tu PUANG, Kapenombanna to Israel, ammu mangaku lako; pokadanna’ tu apa mupogau’, da mubunianna’.

1 PETRUS 3:21

Iatu uai rapangan umpamakarimmankomi totemo, iamotu pa’dioran, tu battuananna tangia ullossokki mariganna dio batang kalemi, sangadinna mepalakuan sukaran inaa maelo Puang Matua, tete dio kamalimbangunanNa Yesu Kristus,

1 YOHANES 1:9

Apa iake taakui tu mintu’ kasalanta, maruru’ sia malambu’ Ia tu Puang Matua, la umpa’dei mintu’ kasalanta, sia usseroiki’ dio mai mintu’ kakadakeanta.