MATIUS 3:4 - Sura' Madatu

⁴ Iatu pakeanna Yohanes bulu unta, sia iatu salipi’ lan ayakna balulang, anna iatu kandena batik sia tallo’ merang pangala’.

MATIUS 3:4 ပူးပေါင်းရင်းမြစ်များ

2 DATU 1:8

Mebalimi tu tau iato mai lako datu, nakua: Iato tau iato ma’bayu lamba’ balulang, sia se’ aak kuli’ lan aakna. Ma’kadami datu nakua: Iato tau iato Elia, to Tisbe.

YESAYA 20:2

Attu iato ma’kadami tu PUANG nalopian Yesaya, anakna Amos, Nakua: Maleko, lossokanni tu bayu lamba’ lan mai aakmu sia alai tu sepatummu. Napogau’mi susito anna male tang ma’bayu sia tang ma’sepatu.

SURA’ KATOMINAAN 11:22

Inde sia tu ma’dinna mikande, iamotu mintu’ batik sanda rupanna, mintu’ pokkamurrung sanda rupanna, mintu’ batik padang sanda rupanna sia mintu’ pokkalondong sanda rupanna.

ZAKHARIA 13:4

Allo iato iatu mintu’ nabi pantan la masiri’, diona mintu’ patiro mendeatanna, ke ma’nubua’i, sia tae’mo nala ma’bayu lamba’ kebulu la ma’kada tang tongan.

MALEAKHI 4:5

Tonganna la Kusua lako kalemi tu nabi Elia, ke tae’pi nasae tu allo tarompo’ metakuranNa PUANG.

MATIUS 11:18

Belanna saemo tu Yohanes tang kumande sia mangiru’, nakuami tau: Nataba deata masussuk.

MATIUS 11:8

Apara pale’ tu mangka lao mitiro? To ma’pakean meloraka? Iatu to ma’pakean melo lan ia lu banua datu.

MARKUS 1:6

Iatu pakeanna Yohanes bulu unta sia iatu salipi’ lan ayakna balulang anna iatu kandena batik sia tallo’ merang pangala’.

LUKAS 1:17

Ia duka bangsiamo la dolo dio oloNa umpopenaa penaanna Elia sola kamatororanna Elia, la umpapatui penaa mintu’ ambe’ lako anakna sia la umpabalik mintu’ to tang sopati lako kakinaanna to ma’bulo sanglampa, la umparandanan Puang Matua sangrapu to maparea tongan.

PA’TOLE 32:13

Napopessake dao malangka’na kuli’na padang, sia Napakande burana padang; Napamimmi’ tani’ enoan lan mai buntu batu, sia minna’ lan mai batu laulung.

KADA OMBO’ LAKO RASULU’ YOHANES 11:3

La Kuben kuasa tu da’dua to ma’katottongingKu tu ma’tamangkale karoro’, ma’nubua’ sangsa’bu duaratu’ annan pulona allona.