MATIUS 3:17 - Sura' Madatu

¹⁷ Ta’kala saemi gamara dao mai langi’, nakua: Iamote tu Anak Pa’kaboro’Ku, tu Nanii kasendeangKu.

MATIUS 3:17 ပူးပေါင်းရင်းမြစ်များ

PA’PUDIAN 2:7

La Kupokada tu lampa kadanNa PUANG: Mangkamo ma’kada lako Kaleku: Ikomo tu AnakKu; Akumo mangka undadiangko te allo totemo.

YESAYA 42:1

Tiromi tu taungKu, tu Kusande’ boko’na, tu Kutonno’, tu naala penangKu, Kupatamaimo Penaangku; Iamo la umpatiroanni malolona tu mintu’ bangsa.

YESAYA 42:21

Belanna kamaloloanNa anna alai penaanNa PUANG umbenni pangadaran kapua sia mala’bi’.

SURA’ KATOMINAAN 15:15

Anna pemalaranni to minaa misa’ diposuru’ pengkalossoran namisa’ dipopemala’ ditunu pu’pu’. Anna padenanni kadiseroian kasalan to minaa dio oloNa PUANG diona kanakasunninna nana.

MATIUS 12:18

Iamote tu taungKu, tu to Kutonno’, pa’kaboro’Ku, naposende penaangKu; la Kuparondongi PenaangKu, na Ia umpa’peissananni lako to kapere’ tu kadiparessan.

MATIUS 17:5

Marassan bangsia ma’kada-kada, pakalan denmi sangleon gaun parrang unnonganni; narangimi tu gamara lan mai gaun iato nakua: Iamote tu Anak Pa’kaboro’Ku, Ia dukamo nanii kasendeangKu; perangii.

MARKUS 1:11

Anna sae tu gamara dao mai langi’, Nakua: Ikomo tu Anak Pa’kaboro’Ku, dio dukamo Kalemu nanii kasendeangKu.

MARKUS 9:7

Denmi sangleon gaun unnonganni anna rangii tu gamara lan mai tu gaun, nakua: Iamote tu Anak Pa’kaboro’Ku, perangiI.

LUKAS 3:22

Pakalan Nasonglo’ tu Penaa Masallo’ dao mai langi’ lako Kalena mempaan susi bu’ku’; anna sae tu gamara dao mai langi’ ma’kada kumua: Kamumo Anak Pa’kaboro’Ku; dio dukamo Kalemi nanii kasendeangKu.

LUKAS 9:35

Narangimi tu gamara lan mai gaun, nakua: Manassa Iamo Anak Kutonno’ te, perangii.

YOHANES 5:20

Belanna Napakaboro’ Ambe’ tu Anak sia Napakitan tu apa Napogau’; ontongpi la Napakitan tu pengkarangan ondong kapuana na iate, kumua ammi mangnga.

YOHANES 5:37

Na iatu Ambe’ ussuaNa’, Ia kalenamo mangka ungkatottongi tu diona Aku. Tae’pa mirangi lenni gamaranNa ba’tu untiroi rupanNa,

EFESUS 1:6

la umpabu’tuanni kadipudian tu kamala’biran pa’kamaseanNa, tu Napa’kamasean lako kaleta lan Pa’kaboro’Na.

KOLOSE 1:13

Iamotu mangka urrampanangki’ dio mai kuasa kamalillinan sia umpalengka’ki tama parentaNa Anak pa’kaboro’Na,

2 PETRUS 1:17

Belanna mangkamo unnappa’ kadipangkeran sia kamala’biran dio mai Puang Matua Ambe’, tonna diparampoI gamara dao mai kamala’biran matande, susite: Iamote tu Anak pa’kaboro’Ku, Ia dukamo Nanii kasendeangKu.

1 YOHANES 5:9

Iake tatarimai tu pa’katottonginna tolino, mandu kapua polepa pa’katottonginNa Puang Matua, belanna inde sia tu pa’katottonginNa Puang Matua, kumua mangkamo Ia ungkatottongi tu diona AnakNa.

KADA OMBO’ LAKO RASULU’ YOHANES 14:2

Angku rangi misa’ gamara dao mai langi’, takua to uai buda mongngo’, sia susi oni guntu’ kapua. Iatu gamara kurangi susito ma’katapi umpannoni katapinna;