MATIUS 3:12 - Sura' Madatu

¹² Diomo Natoe tu barangNa; la Napemata’pii tu panglullu’Na, anNa rampunni tama pa’pannian tu malapu’na, apa iatu langkona la pura Naballa api tang pa’de-pa’de.

MATIUS 3:12 ပူးပေါင်းရင်းမြစ်များ

AYUB 21:18

La susito dalame napettiaran angin, sia susi ta’pian nasarombonan angin bara’.

PA’PUDIAN 1:4

Iatu to tang mekaaluk tang ten ia a’ganna to, sangadinna sangtinti ta’pian nasarombonan angin.

PA’PUDIAN 35:5

Da’ito anna susi nasang ta’pian napentiaran angin, anNa lolai Malaeka’Na PUANG.

YESAYA 1:31

Attu iato to mawatang la butung dalame, sia iatu penggauranna sangtinti lelatu, pada la mampu’ pengkaranganna, tae’ misa’ tau umpa’dei.

YESAYA 17:13

Da’ito anna marukka tu mintu’ bangsa susi uai kapua mariak, apa Nata’tan, anna mallai toyang tu tau iato mai sia sisarombonan lao susi ta’pian napettiaran angin langngan buntu sia susi daun tallang naguririkan talimpuru’.

YESAYA 27:4

Tae’mo anna kabu’Na’ kasengkean; umba-umba Kunii ungkabu’tui duri sia a’da’, Kulaoi, angKu purai nasangi Kuballa.

YESAYA 28:28

Iatu gandung dilullu’raka sae lako manisakna; tae’ sia natontong bang dilullu’. Moi anna palullu’i lentenan kareta sia darang, tae’ sia nadipemanissakki.

YESAYA 30:24

Mintu’ sapi sia keledai tu dipa’tengkoan la ungkande apa mapi’da, tu mangkamo dita’pii barang sia diseno senoan.

YESAYA 41:16

La muta’pii, anna baai angin sia napentiaran bara’; apa iatu iko la kumalasi belanna PUANG sia massattuan belanna To maserona Israel.

YESAYA 5:24

Iamoto, susitu api mendelok unnimbakan dalame sia susi ria ditombon napopennau api, susi dukamoto tu aka’na tau iato mai la buruk sia iatu ta’binna la sisarombonan susi barra’-barra’, belanna naboko’imo tu Sukaran alukNa PUANGna mintu’ ma’dandan maritik sia nabelle’i tu kadanNa To maserona to Israel.

YESAYA 66:24

La sun tu tau iato mai sia la natiro tu batang rabukna mintu’ to sorong boko’mo dio mai Kaleku; belanna iatu ulli’na tae’ nala mate sia iatu apinna tang la pa’de, sia la dadi misa’ apa napomataku’ mintu’ ma’rupa tolino.

YEREMIA 15:7

Tonganna Aku unta’pii barang tu tau iato mai lan mintu’ babangan tondok; Aku umpasisayuranni anak, sia ummangsanni tu taungKu. Apa tae’ duka natibalik tu tau iato mai dio mai lalanna.

YEREMIA 17:27

Apa iake manokakomi umperangiiNa’, kumua: la mipamadatu tu allo katorroan sia da mimamaa sia umbaa pamaan tama babangan Yerusalem ke allo katorroan, manassa la umpadukkuNa’ misa’ api lan babanganna, tu la ussappii mintu’ tongkonan layukna Yerusalem sia tang pa’de-pa’deanna.

YEREMIA 4:11

Attu iato dipokada tu diona bangsa iate sia to lan Yerusalem, kumua: Den angin ma’pamalayu mangiri’ lu dao mai mintu’ tanete lan lu padang pangallaran lu lako anak dara bangsaKu; tangia angin ma’ta’pii ba’tu la ma’pamurru’i.

YEREMIA 51:2

Sia la Kusua lako Babel tu ba’tu pira-pira to manta’pi la unta’pii sia iatu tondokna la napalino’ sia nabalittua’, belanna la natalimbung tama tau iato mai, ke allo kamandasan.

YEREMIA 7:20

Iamoto, kadanNa Puangta PUANG, iatu kasengkeangKu sia kare’dekanna ara’Ku la tibarrak indete inan iate, lako tolino sia lako mintu’ olo’-olo’, lako mintu’ garonto’ kayu dio lu padang sia lako mintu’ bura padang; iamoto tu la dukku tang pa’de-pa’de.

HOSEA 13:3

Iamoto anna la susi bang to gaun melambi’ sia susi damo’, tu pa’de, ke mane berre’i allo, sia susito ta’pian nasarombonan angin, sia susito rambu tassu’ dio pentiroan.

AMOS 9:9

Belanna manassa la mesuaNa’, sia la kuseno tu bati’na Israel dio lu mintu’ bangsa, susi to usseno benoan, anna moi sanglise’ batu’-batu’ tae’ la tobang rokko padang.

MALEAKHI 4:1

Belanna manassa la sae tu allo iato ma’ lana-lana susi dapo’ api. Attu iato, mintu’ to matampo, sia mintu’ to umpogau’ kakelokan la susi dalame, sia iatu allo la sae la umballa tau iato mai –, kadanNa PUANGna mintu’ ma’dandan maritik – naurungan moi iatu aka’ sia moi iatu tangke tae’mo ditampean tau iato mai.

MATIUS 13:30

Da’ito anna tuo bangpa sola sae lako peparean, na iapa ke peparean angku kuanni tu to mepare kumua: Rampunni dolo tu pare-pare sia pori sisanguyunni anna diballa, apa iatu pare pakissinni langngan alangku.

MATIUS 13:41

La Nasua Anak rampan dilino tu malaeka’Na, anna rampunni tu mintu’na patua’ ba’tangna sia to umpogau’ kabulitukan lan mai ParentaNa.

MATIUS 13:42

Anna dipembuangan tama dapo’ nanii api; indemoto nanii katumangiran sia kasisangeran isi.

MATIUS 13:43

Iake attu iato la parrang susi allo tu mintu’ to malolo penaanna lan Parentana Ambe’Na. Minda-minda tu ketalinga, nama’perangi.

LUKAS 3:16

Mebalimi Yohanes lako mintu’ tau, nakua: Tonganna kudio’komi uai, apa la sae pole undinna tu To ondong Ia kuasanNa na aku, moi ulang lapik lentekNa tang sipatu dukana’ la umbukai. Iamo la undio’komi Penaa Masallo’ sia api.

LUKAS 3:17

Diomo Natoe tu barangNa, la Napemata’pii tu panglullu’Na anNa rampunni tama pa’pannian tu malapu’na, apa iatu langkona sola ongkanna la pura Naballa api tang pa’de-pa’de.

YOHANES 15:2

Iatu mai tang membuanna tu tangkeKu Nata’takki; sia iatu mai membuanna Naseroi, kumua nasatarri’-tarri’na buanna.