MATIUS 28:7 - Sura' Madatu

⁷ Laomokomi madomi’ umpokadanni anak gurunNa, kumua malimbangunmo dio mai to’ to mate, sia la Nadoloikomi lako Galilea; diomo la minii untiroI; pengkilalai, kupokadammokomi tu iannato.

MATIUS 28:7 ပူးပေါင်းရင်းမြစ်များ

YESAYA 44:8

Da mitiramban sia mataku’. Tang tempon dioraka mai Kunii umpokadangkomi sia umpaissannikomi? Kamumo tu sa’bingKu: denraka tu Kapenomban senga’ saliananna Aku? Tae’ senga’na tu Buntu batu, tae’ Kutandai tu senga’na.

YESAYA 45:21

Pa’peissananni sia pokadai tu tanda sa’bimmi, sitimbangi sola nasang. Mindara tu umpa’perangianni dolona sia umpa’peissananni te masaimo? Tae’raka na Aku te, tu PUANG, sia tae’ tu Puang Matua senga’, sangadinna Aku manna, tae’ tu Kapenomban malambu’ sia mangla’bak, sangadinna Aku.

MATIUS 24:25

Palan ara’i, mangkamo kupokada dolo tu iannato lako kalemi.

MATIUS 26:32

Apa undinna ke malimbangunMo’ sule, la Kudoloikomi male lako Galilea.

MATIUS 28:10

Nakuami Yesu ungkuanni: Da mimataku’! Laomokomi umpokadanni sangsiulurangKu, anna lao lako Galilea, nadio nanii untiroNa’.

MATIUS 28:8

Tikarami tinde mai baine male untampei tu liang situang kamatakuran sia kaparannuan kapua, namale ma’dondo-dondo la umpokadanni anak gurunNa Yesu.

MARKUS 14:28

Apa undinna ke malimbangunMo’ sule, la Kudoloikomi male lako Galilea.

MARKUS 16:10

Malemi tinde baine umpa’peissananni tu iannato lako mintu’ tu to unturu’mo Yesu, tu masussa bangmo sia tumangi’.

MARKUS 16:13

Male dukami tinde tau sola duai umpa’peissananni tu iannato lako tu mintu’ to unturu’I, apa iatu tau iato tae’ duka napatonganni.

LUKAS 24:34

nakuami sola nasangi: Tongannamo malimbangunmo tu Puang sule sia umpa’pekitanammo Kalena lako Simon.

YOHANES 14:29

Na totemo mangkakomi Kupokadan su’ding tae’pi nadadi, kumua ianna dadimo, la ma’patongankomi.

YOHANES 16:4

Apa mintu’na te kupokada lako kalemi, dikua ianna lambi’i attunna ma’dinmo mikilalai, kumua mangkamo Kupokada lako kalemi susito. Mintu’nate iannate tae’pa Kupokadai lako kalemi tempon dio mai mulanna, belanna denPa’ misisolan.

1 KORINTUS 15:4

sia mangkamo dipeliang, naallo ma’pentallun Nadipamalimbangun sule, susitu dipokadanna lan Sura’ Madatu,

1 KORINTUS 15:6

na undinna to umpa’pekitanan pole’omi Kalena lako siulu’ la’bi limaratu’ napissanri nanii untiroI, budapi tu tau iato tuopa sae lako totemo, apa ba’tu pira-piramo tu mangka mate.