MATIUS 28:6 - Sura' Madatu

⁶ Tae’ Ia Naindete, belanna malimbangunmo susitu kadanNa dolona. Maimokomi mitiroi tu NaninNa Puang.

MATIUS 28:6 ပူးပေါင်းရင်းမြစ်များ

MATIUS 12:40

Belanna susi nabi Yunus tallung allo tallung bongi lan tambuk bale kapua, susi dukato tu Anak rampan dilino la lan maririnna litak tallung allo tallung bongi masainna.

MATIUS 16:21

Randuk tonna iato Napa’peissanammi Yesu lako anak gurunNa kumua sipatu la lao lako Yerusalem anNa perasai buda parri’ dio mai pekaamberan sia dio mai pangulu to minaa sia pandita Sura’, naurunganni dipatei, Nadipamalimbangun sule tonna allo ma’pentallun.

MATIUS 17:23

anna patei, anna allo ma’pentallun Namalimbangun sule. Lendu’mi masussanna tu anak gurunNa.

MATIUS 17:9

Iatonna solo’mo dao mai buntu iato, ma’pakainga’mi tu Yesu lako tinde tau sia Nakua: Da mipokada lenni te mikitanna lako misa’ duka tau, ke tae’pi Namalimbangun tu Anak rampan dilino diong mai to’ to mate.

MATIUS 20:19

Anna sorongi lako to kapere’, natelle-tellei, naongkan-ongkan ue, sia naa’ta’, na allo ma’pentallun Namalimbangun sule.

MATIUS 27:63

nakua: Tabe’ tuang, kikilalai kumua nakua ma’kada tu iti’ To ma’papusa tonna tuopa: tallung allo Kumalimbangun sule.

MARKUS 16:6

Nakuami tinde to mangura lako: Da mitiramban; undaka’komi Yesu to Nazaret, tu mangka dia’ta’. Malimbangunmo Ia, tae’mo Ia naindete; tiromi tu naninna tau umpatorroI.

MARKUS 8:31

Naparandukmi unnada’i anak gurunNa, kumua sipatu tu Anak rampan dilino la umperasai buda parri’ sia naali’ mintu’ pekaamberan sia pangulu to minaa sia pandita Sura’, naurunganni napatei tau iato mai anna tallung allo undinna Namalimbangun sule diong mai to’ to mate.

LUKAS 24:12

Apa iatu Petrus ke’de’ namale sasa-sasa lako to’ liang; iatonna messurruk mentiro tama, natiromi pebalunNa mannamo lan, malemi sule, namangngai tongan tu apa mangka dadi.

LUKAS 24:23

na iatonna tae’ naappa’i tu batang rabukNa, saemi nakua: untiro pole’omo malaeka’ payan lako kalena umpokadai, kumua tuomo.

LUKAS 24:44

Nakuami lako tinde tau: Iamote tu kada KupokadangKomi tonta sisolapa, kumua tae’ nasalai tang disundunninna te mintu’nate, tu disura’na lan sura’ Sukaran alukna Musa sia lan sura’na mintu’ nabi sia lan sura’ nanian pa’pudian diona Aku.

YOHANES 10:17

Iamoto anNa kamaseiNa’ Ambe’Ku, belanna ussorongNa’ penaangKu, kumua angKu alai sule.

YOHANES 2:19

Nakuami Yesu mebali lako: Rondonnimi te Banua Kabusungan, angKu pabendanni sule lan tallung allo.

PENGGAURANNA RASULU’ 2:24

Ia dukamo tu Napamalimbangun Puang Matua sule tonna ko’ka’i tu kamaparrisan kamatean, belanna tae’ nabelai tu kamatean la untaloI.