MATIUS 27:6 - Sura' Madatu

⁶ Narurukmi pangulu to minaa tu salaka sia nakua: tae’ nasipatu la dipatama patti doi’ pa’kamasean te doi’ iate, belanna alli rara.

MATIUS 27:6 ပူးပေါင်းရင်းမြစ်များ

YESAYA 61:8

Belanna Akumo, PUANG, umporai tu katonganan, Kukabiri’ tu pangrampa sia kakelokan, sia la Kusipatui tu sarona tau iato mai sia la untananNa’ basse matontongan sola tau iato mai.

MATIUS 23:24

E perenden buta, to ussungke’i kasisi’, anna unta naampello’ kalebu.

MATIUS 27:5

Nasamboran nasangmi tu salaka tama Banua Kabusungan, namale, anna lao untoke’ kalena.

MATIUS 27:7

Nasituru’imi umpangallianni sanginan padangna to tumampa kurin tu doi’ iato, la dipopanglamunan to sae.

MARKUS 7:11

Apa mikua kamu: Sipatumo, ke nakua tau lako ambe’na ba’tu indo’na: Iatu la mipotuona tu lu diona mai kaleku, iamotu kuruban battuananna apa dipenomban,

YOHANES 18:28

Nabaami tau tu Yesu dio mai Kayafas lako banua pangra’tasan kara-kara, to melambi’ iato. Iatu to Yahudi tae’ nalao tama banua pangra’tasan kara-kara, kumua da nakasambanan, sangadinna la ma’din duka ungkande Pa’pasa.

PA’TOLE 23:18

Da mubaai tama banuanNa PUANG, Kapenombammu, tu saro killangan dodo ba’tu saro pa’gau’ asu, la umpalanda’ misa’ pangallonan, belanna iate da’dua gau’ misa’ apa Nakagalli PUANG, Kapenombammu.