MATIUS 27:52 - Sura' Madatu

⁵² Sia iatu mai liang tibungka’, anna den ba’tu pira-pira tu batang rabukna to masallo’ malimbangun sule;

MATIUS 27:52 ပူးပေါင်းရင်းမြစ်များ

2 DATU 13:21

Den pissan nadilamun tu misa’ tau, pakalan natiromi tau iato mai tu sangtuntunan tau; napembuangammi tinde to mate tama liangna Elisa, anna male mallai. Iatonna rumbumi tu batang rabukna Elisa, tuomi sule, anna malimbangun bendan.

YESAYA 25:8

La Napaputta tontong sae lakona tu kamatean, sia la Napa’dii Puangta PUANG tu mai uai mata, sia iatu kamatunanna taunNa la Napa’dei lan mai mintu’ nasambo langi’, belanna susimoto tu kadanNa PUANG.

YESAYA 26:19

Mintu’ taumMi tu matenamo la tuo sule, sia batang rabukku duka; mintu’i la pada malimbangun. Millikkomi sia kumalasi-lasikomi, e kamu sola nasang, tu to diong litak! belanna iatu damo’Mi iamo damo’ paarrang; sia iatu litak la ullua mintu’ to mangka mate.

DANIEL 12:2

Anna buda tu to matindomo lan lipu daenan, la malimbangun sule, den lu lako katuoan sae lakona, den lu lako kaditattan, iamotu apa megi’giran sae lakona.

HOSEA 13:14

La Kurampananraka tu tau iato mai dio mai kuasanna lino to mate, sia la Kula’bakraka dio mai kamatean? E kamatean, umbamira tu ropummu, e lino to mate umbamira tu pasanggangammu? Tang natandaimo matangKu tu kamamasean.

YOHANES 11:11

Susimoto tu kadanNa; namangka to Nakuami ungkuanni tinde tau: Mamma’mo tu sangmaneta Lazarus, apa la laoNa’ untundanni.

PENGGAURANNA RASULU’ 7:60

Malinguntu’mi nametamba umpemandui gamaranna nakua: O Puang, da Mipopa’indo’i te kasalan iate lako te mai tau! Tonna mangka ma’kada susito, manglessurammi.

1 KORINTUS 11:30

Iamo bannangnato ammi buda tu langga’ sia masaki, sia tae’ nainang sidi’ tu matena.

1 KORINTUS 15:20

Apa manassa mangkamo dipamalimbangun dio mai to’ to mate tu Kristus, mendadi bua pa’bunga’ lako mintu’nato ussalaimo lino.

1 KORINTUS 15:51

Pengkilalai, kupaissanangkomi rasia kumua: iate kita sola nasang, tae’ tala ussalai lino, apa dipopembali nasangki’,

1 TESALONIKA 4:14

Belanna iake tapatonganni kumua mangkamo mate tu Yesu sia malimbangunmo sule, ten dukamoto tu to si sarak angin dipudukna la Nakaloli’ Puang Matua tete dio Yesu.

1 TESALONIKA 5:10

Tu mangka mate belanna kita, naurunganni la pasa’dingki’, la mamma’ki’, la tontongki’ tuo sisola.