MATIUS 27:51 - Sura' Madatu

⁵¹ Pakalan natipa’duamo tu kulambu lan Banua Kabusungan, tempon dao mai sae rokko; sia tiseno-seno tu padang; sia iatu mai buntu batu silalla-lalla.

MATIUS 27:51 ပူးပေါင်းရင်းမြစ်များ

2 OSSORANNA DATU 3:14

Ia tu bannang lango-lango, lango-lango makaseda, karamisi na lenang melo nagaragai kulambu, napale’ke’i dio karubion.

PA’PUDIAN 18:15

Napa’panan tu tinaranNa anNa pasisarak-sarakki tu tau iato mai, Napellebaranni tu kila’ sia Napasisarambuan tu tau iato mai.

PA’PUDIAN 18:7

Iatongku lan kamatakuran meongli’na’ langngan PUANG, sia mengkamoyana’ lako Kapenombangku. Narangimo tu gamarangku lan banua kabusunganNa, sia rampomo tama talinganNa tu pengkamoyaku.

KATASSURAN 40:21

Nabaami tama kema tu patti iato, anna toke’i tu kulambu dipa’rerungan, narerungi tu patti kasa’bian, susitu Napepasanan PUANG lako Musa.

YESAYA 25:7

Dao buntu ia duka te la Nanii ullendokanni, tu bungku’ lindo tu urrerung lindona mintu’ sangpetayanan, sia Nanii ulleakan lullung, tu ussamboi mintu’ bangsa.

SURA’ KATOMINAAN 16:2

Ma’kadami tu PUANG lako Musa Nakua: Pokadanni Harun, kakammu, kumua lan mintu’ attunna, da natama tu inan maindan dio boko’ kulambu tarru’ lako olo tutu’ pebase kasalan, tu dao patti iato, da namate; belanna ombo’Na’ lan gaun, tu dao tutu’ pebase kasalan.

SURA’ KATOMINAAN 21:23

Apa tae’ nama’din sae lako to’ kulambu sia tae’ nama’din urreke’ inan pemalaran belanna tattan tu kalena, kumua da napamatunai tu mintu’ inan maindanKu, belanna Akumo tu PUANG, tu umpamaindanni.

HABAKUK 3:10

NatiroKomi tu mintu’ buntu, anna ma’parondo, lendu’mi tu uai buda tibarrak dao mai, iatu uai buda diong aa’ mi’lan mongngo’ sia unnangka’ limanna langngan.

HABAKUK 3:13

Tassu’moKomi amMi rampananni tu taumMi, amMi rampananni tu to mangka Mitokko. Miro’pok dao mai tu bubungan banuanna to tang mekaaluk, sia Mitesse tu parandangan banuanna sae lako batu ringki’ diongna lu.

KADIBILANGAN 4:5

Iake la ke’de’mi dio mai to’ tenda, iatu Harun sola anakna la tama inan maindan, anna popengkalaoi tu kulambu pererung, anna samboi tu patti kasa’bian.

MATIUS 27:54

Iatonna tiroi kamandang sia iatu mai to nasisolan ungkampai Yesu tu lino’ sia iatu mintu’ apa dadi, lendu’mi mataku’na, nakua: Manassa AnakNa Puang Matua te Tau iate.

MATIUS 28:2

Pakalan denmi lino’ kapua, belanna den malaeka’Na Puang mengkalao dao mai suruga, nasae ullentenni tu batu dio mai baba liang, anna unno’ko’ dao.

MARKUS 15:38

Iatu kulambu Banua Kabusungan tipa’dua, tempon dao mai sae rokko.

LUKAS 23:45

belanna malillin tu allo sia iatu kulambu Banua Kabusungan tipa’dua.

LUKAS 23:47

Iatonna tiromi tinde kamandang ungkapalai surodadu saratu’ tu apa mangka dadi, umpakarayami Puang Matua, nakua: Manassa Iamo misa’ To ma’bulo sanglampa te!

IBRANI 6:19

tu susi sau penaanta bantang sia matoto’, tu mentama tarru’ dio boko’ kulambu sapa’,

IBRANI 9:3

Sia iatu sangsapa’ dio boko’ kulambu ma’penduanna iamo disanga inan tarru’ maindan;

KADA OMBO’ LAKO RASULU’ YOHANES 11:13

Iatonna attu ia dukato saemi lino’ kapua, naurunganni mangsan taa sangpulona tu tondok iato; pitungsa’bu tau mate belanna lino’ iato, na iatu torronapa lendu’ mataku’na, anna pakala’bi’i tu Puang Matua dao suruga.

KADA OMBO’ LAKO RASULU’ YOHANES 11:19

Tibungka’mi tu banuanNa Puang Matua dao suruga, kaananmi tu patti pangalluranNa Puang Matua lan tu banua iato; saemi ba’tu pira-pira kila’ sia gamara sia guntu’ sia lino’ sia uran batu kamban.