MATIUS 27:39 - Sura' Madatu

³⁹ Na iatu mai to lendu’ indeto dio nasilo’bo-lo’boi sia unniling-iling,

MATIUS 27:39 ပူးပေါင်းရင်းမြစ်များ

PA’PUDIAN 109:25

Sia nabe’semo’ tau iato mai, iake natirona’ unniling-ilingmi.

BATING 1:12

Tae’raka, misa’dingi, e kamu mintu’ to lendu’? Pemarangai sia tiroi, ke la denni misa’ pa’di’ susi pa’di’, tu diparampoanna’, tu urruana’ tonNa parampoina’ PUANG kamandasan, tonna allo kare’dekanna ara’Na.

PA’PUDIAN 109:2

Belanna iatu sadangna to tang mekaaluk sia lando pa’du napengangaimo’; sia nalangdona’ tongka’ lila mo’rangna.

PA’PUDIAN 69:20

Miissan tu kadibe’seangku sia siri’ku sia attangangku, sia mintu’ to umpandasana’ bendan dio oloMi.

PA’PUDIAN 22:17

Belanna ba’tu pira-pira tu asu untama tikuina’, sia natalimbung tamamo’ sangtuntunan to ma’gau’ kadake, nalo’po’ tu limangku sia lentekku.

AYUB 16:4

Ma’din dukana’ ma’kada susi kamu, ke susinna kamu narampoi kamandasan susi aku; la kutolorangkomi kada mammi’ sia kuiling-ilingangkomi ulu.

2 DATU 19:21

Inde sia tu kada Napokada PUANG diona datu iato, Nakua: Iatu simbolong manik, iamo anak dara Sion, untapa’ko sia untelle-telleko; iatu anak dara Yerusalem unniling-iling dio boko’mu.

MATIUS 27:38

Tonna iato dipasia’ta’ duka pa’gora’ da’dua, misa’ dio kananNa, na misa’ dio kairinNa.

LUKAS 22:65

Budapa tu kada patelle napokada tinde tau lako.

AYUB 30:11

belanna Puang umbukai tu ulang tendaku sia ullullu’ lu rokkona’ sia iatu tau iato mai napalulako kaleku tu gau’na susi to urrampanan sanga’.