MATIUS 27:30 - Sura' Madatu

³⁰ Natittuduimi tau, sia naala tu tallang nalonga’i tu ulunNa.

MATIUS 27:30 ပူးပေါင်းရင်းမြစ်များ

YESAYA 49:7

Nakua kadanNa PUANG, Pela’bakna to Israel, To maserona, lako to tarru’ nasokkoi tau, sia nakagi’gi’ bangsa iato, tu napokaunan mintu’ to ma’parenta: La natiro mintu’ datu anna bendan; susi dukato tu mintu’ arung anna tukku, belanna PUANG, To maruru’, To maserona Israel, tu umpilei langsa’ko.

YESAYA 50:6

Kupopa’elo’na tu boko’ku lako to umbambana’ sia popoku lako to urrotakki sambangku; sia tae’ kutampunni tu lindoku dilo’bo sia ditittudui.

YESAYA 52:14

Susi buda tau ka’ba’ bulunna untiroko – lendu’ ia kadakena tu pa’kaleanna, tang tibala taumo ditiro sia iatu rupanna tang susimo ma’rupa tau –

YESAYA 53:3

Dipamatunamo sia nasa’biangan tau, misa’ to tang natampe kamaparrisan sia napembanuai saki, ondongpi susi misa’ to natampunan lindo tau; susimoto tu kadipamatunanna natae’ anta pokariangananni.

YESAYA 53:7

Dipakario-rio, apa napopa’elo’na bang sia tae’ nabungka’i tu pudukna; susi anak domba diramba la direre’, sia susi domba tang pandiu dio tingayona to unggontingi bulunna, tenmoto tae’ bang napatiku’bi’ pudukna.

MIKHA 5:1

Na iatu iko, e Betlehem Efrata, moi ammu bitti’ dio lu mintu’ tongkonanna Yehuda, apa dio mai kalemu la nanii bu’tu lako Kaleku tu misa’ tau tu la dadi to ma’parentana to Israel, tu bu’tu tempon dio mai, dio mai allo tae’ tipamulanna.

MATIUS 26:67

Natittuduimi tu lindoNa, sia natambusuk; sia den tu untappele’I,

MARKUS 10:34

Anna telle-telleI sia natittuduI, sia naongkan-ongkan ue sia napateI, apa iake allo ma’pentallun la malimbangun sule.

MARKUS 14:65

Randukmi tinde tau pira untittudui sia umbungku’i tu lindoNa sia natambusuk sia nakua ungkuanNi: Ma’nubua’moKomi! Pantan natampa’mi solana tominaa kapua tu lindoNa.

MARKUS 15:19

Nalonga’mi tallang tu ulunNa sia natittuduI, namalinguntu’ umpenombaI.