MATIUS 27:24 - Sura' Madatu

²⁴ Iatonna tiroi Pilatus kumua tae’mo gai’na tu kadanna, sangadi sakerangngan-rangnganna kamarekoan, naalami tu uai nabasei tu limanna dio tingayona to buda, nakua: Maserona’ aku dio mai raraNa te to malambu’: kamu rengnge’na!

MATIUS 27:24 ပူးပေါင်းရင်းမြစ်များ

PA’PUDIAN 26:6

Kubasei tu limangku tanda tasikku masero pindan, kumane ullilingi inan pemalaramMi, o PUANG!

YEREMIA 2:27

tu ma’kada lako sanglongki’ kayu, nakua: Kamumo tu ambe’ku, na lako misa’ batu, nakua: Kamumo tu undadianna’. Belanna natanananNa’ sokkongna tu tau iato mai, tangia lindona, apa iatonna kamaparrisanna, ma’kadami nakua: Ke’de’Komi o Puang, amMi rampanangkanni!

YEREMIA 2:35

Ondong polepi baranipoko ma’kada, kumua: Tae’ kukasalan, sia inang toyangmo tu kasengkeanNa dio mai kaleku. Tonganna la Kuukungko, belanna mukua: Tae’ kupogau’ kasalan.

MATIUS 26:5

Apa nakua tu tau: Da ia ke allo kapua, da nabu’tu tu la napomarukkana tau.

MATIUS 27:19

Iatonna unno’ko’ tu Pilatus dao kadera nanii unno’ko’ mangra’ta’ kara-kara, mesuami tu bainena lako umpokadai kumua: Da mipatumba-tumbai tu to malambu’; belanna ba’tu pempiranmo kutibuang-buangan te allo iate lan tindoku tu diona Ia.

MATIUS 27:23

Apa nakua Pilatus: Kakadakean apara tu napogau’? Samandu-mandunnami tu tau metamba, nakua: Sipatu Ia dia’ta’!

MATIUS 27:4

nakua: Madosana’, belanna ussorong rarana to tang kasalan. Apa nakua tu tau: Apara kami la kiissan? Iko iko rengnge’na.

MATIUS 27:54

Iatonna tiroi kamandang sia iatu mai to nasisolan ungkampai Yesu tu lino’ sia iatu mintu’ apa dadi, lendu’mi mataku’na, nakua: Manassa AnakNa Puang Matua te Tau iate.

MATIUS 27:9

Tonna iato sundunmo tu napokadanna nabi Yeremia, nakua: Naalamo tu salaka tallungpulo batunna, tu allinna to dipasiangga’ to Israel,

YOHANES 13:9

Nakuami Simon Petrus lako: O Puang, da’ora na ia manna tu lentekku, sangadinna ia duka tu limangku sia ulungku.

YOHANES 19:4

Sun pole’omi tu Pilatus sia nakua lako tau iato mai: Tiromi, kubaamo sun lako kalemi, ammi issanni kumua moi misa’ tae’ kuappa’ tu salaNa.

PENGGAURANNA RASULU’ 3:14

Mipeonganni kamu tu To maseropindan sia malambu’, ammi palakui tu to papatean dirampananankomi butung misa’ pa’kamasean lako kalemi.

2 KORINTUS 5:21

Anna Ia tu tang narandan kasalan, mangkamo Napopendadi kasalan ussondaki’, kumua anna kita mendadi kamaloloanNa Puang Matua diona Ia.

1 PETRUS 3:18

Belanna pissan dukari tu Kristus mate diona mintu’ kasalanna tau, Iamo To malolo belanna to tang malolo, kumua anNa solangki’ lako Puang Matua; tonganna anNa dipatei diona batang kale, apa dipatuo diona penaa.