MATIUS 27:19 - Sura' Madatu

¹⁹ Iatonna unno’ko’ tu Pilatus dao kadera nanii unno’ko’ mangra’ta’ kara-kara, mesuami tu bainena lako umpokadai kumua: Da mipatumba-tumbai tu to malambu’; belanna ba’tu pempiranmo kutibuang-buangan te allo iate lan tindoku tu diona Ia.

MATIUS 27:19 ပူးပေါင်းရင်းမြစ်များ

KADADIAN 31:11

Ma’kadami tu malaeka’Na Puang Matua lako kaleku lan tindo: E Yakub. Mebalimo’: Inde siana’.

KADADIAN 31:24

Apa sae tu Puang Matua lako Laban, to Aram, tonna mabongi lan tindona, Nakua: Kilalai tonganni, da muma’kada lako Yakub la melona la kadakena.

KADADIAN 31:29

Maatang duka sia tu limangku la umpata’paikomi kadake, apa sangmai’ bongi Nama’kada lako kaleku tu Kapenombanna ambe’mu Nakua: Kilalai tonganni, da muma’kada lako Yakub la melona la kadakena.

SARAMBU PEADA’ 29:1

Minda-minda ditole-tole dipakilala, anna tontong bang matoro, ta’pa la disabu’i anna tang tundu-tunduannamo.

YESAYA 53:11

Belanna kakapuanna pa’di’na anna tiroi tu iannato sanamosona; sia tete dio kapaissananna tu tau malambu’Ku anna buda tau nabilang malolo, sia iamo la urrengnge’i tu kakelokanna tau iato mai.

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

KADIBILANGAN 12:6

Ma’kadami tu Puang Nakua: Perangimi tu kadangKu. Iake denkomi misa’ nabi, ma’din Kupasombo tu Kaleku lan patiro mendeata, ba’tu ma’kada lako kalena lan tindo.

MATIUS 1:20

Apa iatonna susimo tangnga’na to, nakita tindomi tu malaeka’Na Puang misa’, nakua: E Yusuf, tarukna Daud, da mubata unnalai tu Maria mupobaine, belanna iatu natambuk lu dio mai Penaa Massallo’.

MATIUS 2:19

Iatonna matemo tu Herodes, nakita tindomi Yusuf tu misa’ malaeka’Na Puang dio tana Mesir,

MATIUS 2:22

Iatonna rangimi kumua Arkhelaus dadi datu dio tana Yudea ussonda Herodes ambe’na, batami tu Yusuf lao lako; apa belanna Napatudu Puang Matua lan tindona, sepang lu lakomi parenta Galilea,

MATIUS 27:18

Belanna naissanmo, kumua kamabirisanna tu tau anna sorongI.

MATIUS 27:24

Iatonna tiroi Pilatus kumua tae’mo gai’na tu kadanna, sangadi sakerangngan-rangnganna kamarekoan, naalami tu uai nabasei tu limanna dio tingayona to buda, nakua: Maserona’ aku dio mai raraNa te to malambu’: kamu rengnge’na!

MATIUS 27:4

nakua: Madosana’, belanna ussorong rarana to tang kasalan. Apa nakua tu tau: Apara kami la kiissan? Iko iko rengnge’na.

LUKAS 23:41

Ia kita tu kitanna sipatuki’, belanna natumangki’ penggauranta anta dipakario-rio, apa iate Tau iate moi misa’ duka tu penggauranNa tae’ sala.

LUKAS 23:47

Iatonna tiromi tinde kamandang ungkapalai surodadu saratu’ tu apa mangka dadi, umpakarayami Puang Matua, nakua: Manassa Iamo misa’ To ma’bulo sanglampa te!

YOHANES 19:13

Iatonna rangii Pilatus te kada iate, nabaami lako salian tu Yesu, naunno’ko’ dao kadera biasa nanii unno’ko’ mangra’ta’ kara-kara, tu inan disanga Sali batu, ke basa Ibrani disanga Gabata.

PENGGAURANNA RASULU’ 12:21

Den pissan allo inang dipamanassamo, naumpake pakean kadatuanna tu Herodes, naunno’ko’ dao isungan kapayunganna sia ma’kada lako tau.

PENGGAURANNA RASULU’ 18:12

Apa iatonna Galio to maraya dio tana Akhaya, tu’bami tu to Yahudi unnea Paulus, napakendekki napopennolo lako to’ pangra’tasan kara-kara,

PENGGAURANNA RASULU’ 18:16

Narambaimi tu tau iato lan mai to’ pangra’tasan kara-kara.

PENGGAURANNA RASULU’ 18:17

Nasila’ka’-la’ka’imi to buda tu Sostenes kapala banua pa’kombongan, nakambei dio tingo to’ pangra’tasan kara-kara. Apa napopa’elo’na bang Galio tu mintu’nato.

PENGGAURANNA RASULU’ 25:10

Nakuami Paulus: Totemo ke’de’mo’ dio olo o’koran pangra’tasan kara-karana datu kapua, tu sipatunna la dinii umparessana’; tae’ aku kasalangku misa’ duka lako tu to Yahudi, tang la taissan dukaraka.

PENGGAURANNA RASULU’ 25:17

Iatonna sangsaeammo indete, tae’mo kupamarempai, sangadinna ia bangsiamo tonna masiangto angku unno’ko’ dao o’koran pangra’tasan kara-kara kupesuanni umpopennoloi tu tau.

PENGGAURANNA RASULU’ 25:6

Iatonna torromo sola Festus tu tau iato, tae’mora nalendu’i karua ba’tu sangpulo allona, namalemo lako Kaisarea; sia iatonna masiangto unno’ko’mi dao o’koran pangra’tasan kara-kara, napesuanni umbaai tu Paulus lako olona.

1 PETRUS 2:22

Iamo Ia, tu tang umpogau’ kasalan, tae’ duka naombo’ dio mai randan pudukNa tu kada patua’ ba’tang;

1 YOHANES 2:1

E anakku, ia sia kusurasangkomi te, dikua da mipogau’ kasalan. Na iake denni misa’ tau umpogau’ kasalan, den kita tu Pa’bisaranta lako Ambe’, iamo Yesu Kristus, To malambu’,