MATIUS 27:12 - Sura' Madatu

¹² Iatonna parapa’i pangulu-pangulu to minaa sia pekaamberan moi misa’ tae’ duka Napebalii.

MATIUS 27:12 ပူးပေါင်းရင်းမြစ်များ

YESAYA 53:7

Dipakario-rio, apa napopa’elo’na bang sia tae’ nabungka’i tu pudukna; susi anak domba diramba la direre’, sia susi domba tang pandiu dio tingayona to unggontingi bulunna, tenmoto tae’ bang napatiku’bi’ pudukna.

MATIUS 26:63

Apa ma’loko-loko bang tu Yesu. Nakuami tu Tominaa Kapua ungkuanNi: La kupopassumpaKomi ussa’bu’ Puang matontongan Mipokadangkanni ke Kamumo Kristus, tu AnakNa Puang Matua.

MATIUS 27:13

Nakuami Pilatus ungkuanNi: Tae’raka Mirangii ba’tu pira-piramo tu kara-kara nasa’bii tau diona Kamu?

MATIUS 27:14

Moi sangbuku kada tae’ Napebalian lako, anna mangnga tongan tu to maraya.

LUKAS 23:9

Ma’rupa-rupa tonganmi kada napekutanan datu, apa moi misa’ tae’ duka Napebalii Yesu.

PENGGAURANNA RASULU’ 8:32

Iatu nabasanna lan tu Sura’ nakua: Male dibaa susito domba la direre’ sia susito misa anak domba mamang dio tingayona to unggontingi, tenmoto tae’ bang Napatiku’bi’ pudukNa.

1 PETRUS 2:23

iatonna disere kadai, tae’ anNa papakkanni sere kada, sia iatonna rampoi kamaparrisan, tae’ anNa ma’pakarrang, sangadinna Nasorong lako Puang tu iannato, tu tang pakayun bimbang umpaolai salunna.