MATIUS 26:7 - Sura' Madatu

⁷ saemi lako Kalena tu baine misa’, sibaa tonde gori-gori nanii minna’ busarungngu’ masuli’ allinna, nabolloanni langngan ulunna Yesu, tonna unno’ko’ kumande.

MATIUS 26:7 ပူးပေါင်းရင်းမြစ်များ

2 DATU 9:1

Natambaimi nabi Elisa tu misa’ passikola nabi nama’kada lako nakua: Ma’tambeke’ko ammu alai te busso’-busso’ nanii minna’ lan, ammu male lako Ramot, lili’na Gilead.

PA’PUDIAN 133:2

Iatu iannato sangtinti minna’ ballo dipoboka’, tu lolong lako danggo’, iamotu danggo’na Harun, titantan sae rokko pollo’ bayu lamba’na.

TOMANGADA’ 10:1

Iatu ba’tu pira-pira kasisi’ mate umpabosi sia umpare’de salapna to unggaragai salap; susi dukato tu kabagan sidi’, matoto’ unnala penaanna tau na kakinaan sia kamala’biran.

TOMANGADA’ 9:8

La tontong bang masero tu pakeammu sia da nasalai minna’ busarungngu’ tu ulummu.

PA’TENDENG BALLO 1:3

Iatu bau minna’mi busarungngu’, sia iatu sangammi susitu minna’ pandere’ dibolloan. Iamoto anna mintu’ anak dara ungkasinnaikomi.

YESAYA 57:9

Saeko mennolo lako Molokh umbaa minna’ busarungngu’ sia mupasakka’ buda liu tu salap; sia musua tu mintu’ pesuammu male mambela, sia musua rokko lino to mate.

MATIUS 26:8

Iatonna tiroi anak gurunNa pada bangngomi ara’na, sia nakua: Apara patunna tu kamalaboan iato?

MARKUS 14:3

Iatonna dio Betania tu Yesu lan banuanna Simon golenan, marassanmo kumande, saemi misa’ baine sibaa tonde gori-gori pualam nanii minna’ pandere’ narawastu massang sia masuli’ allinna; napoloi tu tonde gori-gori nabolloanni dao ulunna Yesu.

LUKAS 7:46

Sia tae’ mipalangnganni minna’ tu ulungKu, apa iate baine sae rokko lette’Ku napalakoi duka minna’ pandere’.