MATIUS 26:56 - Sura' Madatu

⁵⁶ Apa mintu’na te dadi, kumua anna sundun tu lanna sura’na mintu’ nabi. Sangmallaiammi tu anak gurunNa ussitampei.

MATIUS 26:56 ပူးပေါင်းရင်းမြစ်များ

KADADIAN 3:15

La Kupaden tu kasiualiammu na iate baine sia bati’mu anna bati’na; iamo la unnisak-nisakki tu ulummu ammu totokki tu kambutu’na!

YESAYA 44:26

Akumo umpasundunni tu kadanna taungKu sia umpalanda’i tu apa napa’peissanan dolomo sumbungan pudukKu; Akumo tu ma’kada lako Yerusalem kumua: La napa’tondokkipoko tau, na lako mintu’ kota Yehuda: La dibangun polekomi, sia mintu’ tembo’ ro’pokmi la Kupabendan sule.

BATING 4:20

Iatu penaa tassu’ dio to’ illongta, tu Natokko PUANG, didammak dio to’ kalo’tokna, tu tatangnga’ kumua: diong pentiongananna tanii tuo dio lu mintu’ bangsa.

DANIEL 9:24

Pitungpulo minggunna dipamanassanni tu taummu sia kota maindanmu la ungganna’i tu kapatodo-tintingan sia la umpogau’i tu kasalan, sia la umbasei tu kakadakean, la umbaa kamaloloan sae lakona sia la ussanda tonganni patiro mendeata sia nabi, sia la umminnakki tu apa tarru’ maindan.

DANIEL 9:26

Sia iake lendu’mi annan pulona ndua minggunna la diputtai tu misa’ to ditokko, moi tae’ apa naposala; sia iatu taunna misa’ arung, tu la sae, la ussanggang kota sia inan maindan, apa ma’katampakanna la nasamboi uai saba’; sia sae lako ma’katampakanna la den kasirarian, iamotu kasanggangan, tu mangka dipamanassa.

ZAKHARIA 13:7

E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

MATIUS 21:42

Nakuami Yesu lako: Tae’paraka mibasa lenni lan Sura’ madatu kumua: Iatu batu natibe pande, ia bangsiamo mendadi batu petau. Susimoto Napogau’ Puang, na iatu iannato memangngan ke pentirota.

MATIUS 26:24

Inang la maleNa tu Anak rampan dilino, belanna mangkamo disura’ tu iannato; apa upu’ allona tu tau iato, tu umpa’peturoan Anak rampan dilino! La’bi’pissan ia kenna tae’ nadidadian tu tau iato.

MATIUS 26:31

Nakuami Yesu ungkuanni: La mo’dongkomi sola nasang tu diona Aku te bongi iate, belanna den disura’ kumua: la Kubamba tu to manglaa, anna sisaraksarak tu domba sangtun- tunan.

MATIUS 26:54

Iake susito, umbamo la dikua ussundunni tu lanna Sura’ Madatu tu nakua, tae’ nasalai tang dadi susito?

YOHANES 16:32

Tiromi, attunnamo, ontongpi nalambi’mo attunna, kumua la dipasisarak-sarak simisa’komi lako to’ inanmi ammi sitampeiNa’ misa-misa; apa tae’ angKu misa-misa, belanna NarondongNa’ Ambe’.

PENGGAURANNA RASULU’ 1:16

E mintu’ki’ sangsiuluran, tae’ nama’din tang disundunni tu kada lan Sura’ Madatu, susitu napokada dolomo Penaa Masallo’ sun dio pudukna Daud tu diona Yudas dadi panglalanna to untingkan Yesu.

PENGGAURANNA RASULU’ 2:23

Iamotu disorong situru’ tanan penaanNa sia paissanNa tempon Puang Matua, mangkamo mia’ta’ sia mipatei napata’pai lima to tang mekaaluk.

2 TIMOTIUS 4:16

Iatonna bunga’ pebalingku tae’ bang tau misa’ tundu dio kaleku, sangadinna natampe nasangna’; kenna da siamo nadipamatana’ lako kalena tu iannato.