MATIUS 26:41 - Sura' Madatu

⁴¹ Ma’penandakomi sia massambayangkomi da naruakomi peroso; tonganna la morai tu penaa, apa langga’ tu kale.

MATIUS 26:41 ပူးပေါင်းရင်းမြစ်များ

PA’PUDIAN 119:1

Maupa’ tu mintu’ to malolo lalanna, sia to unturu’ mana’pa Sukaran alukNa PUANG.

PA’PUDIAN 119:115

MallaiKomi dio mai kaleku, e kamu to umpogau’ kakadakean, Angku kullei ungkaritutui pepasanna Kapenombangku.

PA’PUDIAN 119:117

Tulakna’ angku makarimman, angku tontong umposendei tu apa Mipondok.

PA’PUDIAN 119:32

La kuturu’ tu lalan pepasanMi, belanna Mipamalosangmo tu penaangku.

MATIUS 24:42

Iamoto ma’penandakomi, belanna tae’ miisanni, umba allo nala sae tu Puangmi.

MATIUS 25:13

Iamoto la ma’penandakomi, belan- na tae’ miissanni tu allona ba’tu attunna.

MATIUS 26:38

Nakuami Yesu lako tinde mai tau: Lendu’ masussanna penaangKu kari’ la mateMo’ Kusa’ding; torromokomi indete anta maroya sola.

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

MARKUS 14:38

Ma’penandakomi sia massambayangkomi, da naruakomi peroso; la morai tongan sia tu penaa, apa tang pa’bela tu kale.

LUKAS 11:4

Sia pa’dei tu sala-budangki, belanna kami duka umpagarri’ salana mintu’ to kasalan lako kaleki. Sia da Mielorangkan diroso.

LUKAS 21:36

Iamoto ma’penandakomi sia tontongkomi massambayang, sangapaoi ammi ma’din lessu’ dio mai mintu’na te tu la dadi undinna sia ammi mennolo lako Anak rampan dilino.

LUKAS 22:40

Iatonna rampomo lako inan iato, Nakuami lako anak gurunNa: Massambayangkomi, da naruakomi peroso!

LUKAS 22:46

Nakuami lako: Ma’apari mimamma’ bangra? Millikkomi ammi massambayang, da naruakomi peroso.

LUKAS 8:13

Na iatu diona to’ batu, iamotu tau untarimai, ke narangii sia parannu len penaanna; apa tae’ namennuaka’ lan penaanna, sangadi napatongan sangattu’ bangri, ianna rampoi peroso, tikkondo’mi penaanna.

ROMA 8:3

Apa iatu tang nalambi’na Sukaran aluk, belanna langga’ diona pa’kalean, Napasundun Puang Matua, tu ussua AnakNa kaleNa unnala a’gan pa’kalean mengkaola lako kasalan, tu belanna iamoratu kasalan, anNa pakannai ukungan tu kasalan, lan pa’kalean,

1 KORINTUS 10:13

Belanna ia manna tu petoba biasa urrampoi tolino tu mangka urrampoikomi. Apa maruru’ tu Puang Matua, tae’ Napopa’elo’nakomi dipatondonni petoba, sangadinna la pada Napabu’tu petoba tu katilendokan, kumua ammi batta’ umpengkanannangi.

1 KORINTUS 16:13

Mareakomi, tontongkomi tumanan umposissarean kapatonganan, umpapiamuanekomi kalemi, sia mawatangkomi.

1 KORINTUS 9:27

sangadinna umpakario-riona’ kaleku sia kupopengkanorong kumua aku manii mangka unnada’i to senga’ na aku kalenamo ditibe.

GALATIA 5:24

Apa iatu mintu’ taunNa Kristus Yesu mangkamo naa’ta’ tu pa’kalean sola kamoraianna sia kamailuanna.

EFESUS 6:18

Tontongkomi massambayang lan mintu’ attu tete dio Penaa, umpotete mintu’ pangando sia passambayang, sia dikua ammi lambi’i tu iannato, la marea-reakomi umpengkullei sia umpassambayangan mintu’ to masallo’,

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.

2 PETRUS 2:9

iake susito, payanmo kumua Naissan Puang urrampanan mintu’ to mengkaola lan mai kadirosoan, sia umpattang mintu’ to kelok penaanna sae lako allo pangukungan, anNa pakario-rioi,

KADA OMBO’ LAKO RASULU’ YOHANES 16:15

Kilalai, kumua la saeNa’ butung to boko; maupa’ tu to ma’penanda-nanda anna karitutui tu tamangkalena, dikua da anna ma’kambelang sia da napayan tu kasirisanna.

KADA OMBO’ LAKO RASULU’ YOHANES 3:10

Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.