MATIUS 26:3 - Sura' Madatu

³ Tonna iato sirampunmi tu mintu’ pangulu to minaa sia pekaamberan dio banua pangra’tasan kara-karana Tominaa Kapua, tu disanga Kayafas,

MATIUS 26:3 ပူးပေါင်းရင်းမြစ်များ

PA’PUDIAN 56:6

Tontong keallo tu tau iato mai umbulang leko’ kadangku sia mintu’ tangnga’na la ussanggangina’.

YEREMIA 11:19

Iatu aku susina’ anak domba tang paissan, tu direnden la ditunu sia tae’ kutandai tu kasipakulu-kuluanna tau iato mai la unneana’, tu ma’kada nakua: Maikomi tasanggangi tu kayu iato sola buanna, melo ke tasabu’i lan mai tondok to tuo, damo nakilalai tau tu sanganna.

YEREMIA 17:27

Apa iake manokakomi umperangiiNa’, kumua: la mipamadatu tu allo katorroan sia da mimamaa sia umbaa pamaan tama babangan Yerusalem ke allo katorroan, manassa la umpadukkuNa’ misa’ api lan babanganna, tu la ussappii mintu’ tongkonan layukna Yerusalem sia tang pa’de-pa’deanna.

MATIUS 26:69

Iatu Petrus unno’ko dio salian, dio to’ banua kombongan kalua’na Ada’; saemi lako kalena tu baine ruranan misa’, nakua: Iko dukapa tu sisola tu Yesu, to Galilea.

MATIUS 27:27

Mangkato nabaami surodadunna to maraya tu Yesu tama pangra’tasan kara-kara, anna pasirampun nasangi tu mintu’ surodadu sangkaponan.

MARKUS 14:54

Iatu Petrus undi duka unturu’ mambela bangI sae tama to’ banuanna Tominaa Kapua, naunno’ko’ sisola solana tominaa kapua sia mendarang dio to’ api.

MARKUS 14:66

Iatonna diong padang tu Petrus dio tarampak banua kombongan kalua’na Ada’, saemi misa’ baine rurananna Tominaa Kapua.

MARKUS 15:16

Denmi ba’tu pira-pira surodadu umbaaI tama sa’de banua, tu banua pangra’tasan kara-kara, narampun nasangi tu mintu’ surodadu sang- tuntunan.

LUKAS 22:55

Iatonna dipadukkumo api lan tangnga-tangnga paladan, unno’ko’mi sola nasangi, anna iatu Petrus unno’ko’ duka lan alla’na.

LUKAS 3:2

tonna Hanas sola Kayafas Tominaa Kapua, narampoimi kadanNa Puang Matua tu Yohanes, anakna Zakharia, dio padang pangallaran.

YOHANES 11:57

Apa iatu mai pangulu to minaa sia to Farisi mangkamo umpasun parenta kumua, iake denni tau unnissanni tu nanii torro Yesu, napa’peissananni, kumua anna ma’din untingkanNi.

YOHANES 18:24

Napesuammi Hanas lao umpopennolo situang pungoI lako Kayafas, tominaa kapua.

YOHANES 18:28

Nabaami tau tu Yesu dio mai Kayafas lako banua pangra’tasan kara-kara, to melambi’ iato. Iatu to Yahudi tae’ nalao tama banua pangra’tasan kara-kara, kumua da nakasambanan, sangadinna la ma’din duka ungkande Pa’pasa.