MATIUS 26:24 - Sura' Madatu

²⁴ Inang la maleNa tu Anak rampan dilino, belanna mangkamo disura’ tu iannato; apa upu’ allona tu tau iato, tu umpa’peturoan Anak rampan dilino! La’bi’pissan ia kenna tae’ nadidadian tu tau iato.

MATIUS 26:24 ပူးပေါင်းရင်းမြစ်များ

KADADIAN 3:15

La Kupaden tu kasiualiammu na iate baine sia bati’mu anna bati’na; iamo la unnisak-nisakki tu ulummu ammu totokki tu kambutu’na!

PA’PUDIAN 55:15

Lendu’ ia mammingna bang tu kasisangmuaneanta, sumalong-malong lan banuanNa Puang Matua sola to buda.

PA’PUDIAN 55:23

Sorongi lako PUANG tu kaselangammu, Ia la undaranaiko; inang tang Naeloran tu to malambu’ la tilende’.

DANIEL 9:26

Sia iake lendu’mi annan pulona ndua minggunna la diputtai tu misa’ to ditokko, moi tae’ apa naposala; sia iatu taunna misa’ arung, tu la sae, la ussanggang kota sia inan maindan, apa ma’katampakanna la nasamboi uai saba’; sia sae lako ma’katampakanna la den kasirarian, iamotu kasanggangan, tu mangka dipamanassa.

ZAKHARIA 12:10

Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

ZAKHARIA 13:7

E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

MATIUS 18:7

Upu’ allona te lino, belanna angganna patumangna. Belanna tae’ nasalai tang sae tu patumangna, apa upu’ allona tu to napobannang tu patumangna.

MATIUS 26:31

Nakuami Yesu ungkuanni: La mo’dongkomi sola nasang tu diona Aku te bongi iate, belanna den disura’ kumua: la Kubamba tu to manglaa, anna sisaraksarak tu domba sangtun- tunan.

MATIUS 26:54

Iake susito, umbamo la dikua ussundunni tu lanna Sura’ Madatu tu nakua, tae’ nasalai tang dadi susito?

MATIUS 26:56

Apa mintu’na te dadi, kumua anna sundun tu lanna sura’na mintu’ nabi. Sangmallaiammi tu anak gurunNa ussitampei.

MARKUS 14:21

Inang la Natampena Anak rampan dilino te lino, susitu disura’ diona a’ganNa, apa upu’ allona tu to umpa’peturoanNi tu Anak rampan dilino; la’bi’ pissan ia kenna tae’ nadadi tu tau iato.

MARKUS 9:12

Nakuami lako: Inang la sae ia dolo tu Elia sia umpasirundunan mintu’ sakka’ saeanna. Apa tumbai tu mangkanna disura’ tu diona Anak rampan dilino, kumua la umperasai buda kamaparrisan sia la nasassai tau?

LUKAS 22:22

Inang la maleNa tu Anak rampan dilino, susitu mangka dilampakanNi, apa upu’ allona tu to ussorongI.

LUKAS 24:46

Sia Nakua lako: susite tu disura’na, kumua la umperasai kamaparrisan tu Mesias, anna allo ma’pentallun Namalimbangun sule dio mai to’ to mate,

YOHANES 17:12

IatongKu sisolapa, Kukarimmanni umpoparinding sangamMi, tu mangka Mipa’kamasean lako Kaleku, sia mangkamo Kurinding pala’, na moi misa’i tae’ sanggang sangadinna iatu anak taa kasanggangan, dikua anna sundun tu lanna Sura’ Madatu.

YOHANES 19:24

Nakuami sipa’kada-kada: Da anta serekki, melo ke tasire’tekki, ba’tu mindanta umpotaai, kumua anna sundun tu kada lan Sura’ Madatu tu nakua: Mangkamo nataa-taa tu pakeangKu sia iatu bayu lanKu lu mangkamo nasire’tekki. Ten dukamoto tu napogau’ tinde surodadu.

YOHANES 19:28

Undinnato, belanna Naissan Yesu kumua sundun nasangmo, kumua anna sundun tu kada lan Sura’ Madatu, Nakuami: Ma’rangNa’.

PENGGAURANNA RASULU’ 2:23

Iamotu disorong situru’ tanan penaanNa sia paissanNa tempon Puang Matua, mangkamo mia’ta’ sia mipatei napata’pai lima to tang mekaaluk.

PENGGAURANNA RASULU’ 28:23

Iatonna allu’mi lako Paulus tu allo sangallo, lendu’mi budanna tau sae lako tu naninna Paulus torro. Napamanassami sia nakatottongi tongan lako tinde tau tu diona ParentaNa Puang Matua sia randuk lan mai sura’ Sukaran alukna Musa sia lan mai sura’na nabi nanii umpamalesoanni tau tu diona Yesu, tempon dio mai melambi’ sae lako makaroen, kumua napatonganni.

PENGGAURANNA RASULU’ 4:28

la ussundunni tu apa nalampak dolomo limamMi sia tanan penaamMi, kumua la dadi.

1 KORINTUS 15:3

Belanna bunga’-bunga’na kusorong lako kalemi tu apa mangka duka kutarima, tu kumua iatu Kristus mangka mate belanna kasalanta, susitu dipokadanna lan Sura’ Madatu,