MATIUS 26:13 - Sura' Madatu

¹³ Tonganna tongan Kukua mati’: Umba-umba nii lan te lino dinii umpa’peissanan Kareba kaparannuan, la disa’bu’ duka tu penggauranna te baine, dinii umpengkilalai.

MATIUS 26:13 ပူးပေါင်းရင်းမြစ်များ

PA’PUDIAN 112:6

Belanna tae’ anna la tilende’ tontong sae lakona, sia iatu kadikilalaianna to malambu’ matontongan sae lako.

YESAYA 52:9

Unnangnga’komi sia pada sikumalasiangkomi, e mintu’ kota daun lauanna Yerusalem, belanna Napakatanamo PUANG tu taunNa sia Nala’bak tu Yerusalem.

MATIUS 24:14

Iatu Kareba kaparannuan diona ParentaNa Puang Matua la dipa’peissanan lan mintu’ lili’na te lino la mendadi tanda sa’binna lako mintu’ bangsa; undinnato, maneri sae tu katappuranna.

MATIUS 28:19

Iamoto malemokomi mipopendadii anak gurungKu tu mintu’na bangsa, ammi dio’i tama sanganNa Ambe’, sia Anak na Penaa Masallo’;

MARKUS 13:10

Tae’ nasalai tang dipa’peissanan dolo tu Kareba kaparannuan lako mintu’ bangsa.

MARKUS 14:9

Tonganna Kukua lako kalemi; umba-umba nanii lan te lino dinii umpa’peissanan Kareba kaparannuan, dio duka dinii unnannanni batu silambi’ tu penggauranna te baine.

MARKUS 16:15

Nakuami ungkuanni tinde tau: Malemokomi lako mintu’na lino, mipa’peissananni tu Kareba-kaparannuan lako angganna issinna lino.

LUKAS 24:47

nadipalele sola sanganNa tu kamengkatobaran umpasae kadipa’deian kasalan lako mintu’ issinna lino nasambo langi’ narande tana, randuk dio mai Yerusalem.

PENGGAURANNA RASULU’ 10:4

Lendu’mi mataku’na mentiro lako malaeka’ sia nakua: Apara mitungkanan, Puang? Nakuami lako: Mintu’na passambayangmu sia pa’kamasemu rampomo langngan Puang Matua sia Napengkilalai.

ROMA 10:18

Apa kukua: Tae’paraka narangii? Tonganna tongan! Memannamo tu gamaranna lan mintu’ lino, sia iatu kadanna landa’mo lako randanna langi’.

ROMA 15:19

diona kamatotoranna tanda kalle-kallean sia tanda mangnga, tete dio kamatotoranNa Penaa Masallo’, naurunganni tempon dio mai Yerusalem sia tiku lao sae lako Ilirikum upu’mo kupa’peissanan tu Kareba-kaparannuan diona Kristus.

2 KORINTUS 10:18

Belanna tae’ na iatu to umpudi kalena kalena tu manassa, sangadinna iari tu to Napudi Puang.

KOLOSE 1:23

podo ammi bantang sia batta’ umpoparandangan kapatonganan, apa pole’pa, ke tae’i mimemboko’ dio mai kapa’rannuanan napabu’tu Kareba-kaparannuan, tu mangkamo mirangi, tu dipa’peissanan lako mintu’ sangga menaa lan nasambo langi’ sia tu kuninna te aku Paulus mendadi to ma’kamayana.

KOLOSE 1:6

tu ullambi’mokomi, susitu lannamo mintu’ lino, tu membua sia sakerangngan-rangnganna, susi dio kalemi, randuk dio mai miranginnamo sia mitandainna tonganmo tu pa’kamaseanNa Puang Matua,

1 TIMOTIUS 2:6

tu mangka ussorong Kalena napopela’bak mintu’ tau, nadipa’pekanassan lan attu mangka dipamanassa.

IBRANI 6:10

Belanna tangia kumua tang unnola salunna tu Puang Matua Naurunganni tang ungkilalai tu penggaurammi sia pa’kaboro’mi lako sanganNa, tu mangka mipa’pekitanan tete dio kamangkammi ungkamayai mintu’ to masallo’ sia sae lako totemo mikamayai siapa.

KADA OMBO’ LAKO RASULU’ YOHANES 14:6

Kutiromi misa’ malaeka’ senga’ mentia’ lan tangngana langi’, sia umbaa Kareba-kaparannuan matontongan, la napa’peissanan lako mintu’ to untorroi te kuli’na padang, iamotu mintu’ bangsa sia suku sia basa sia to sangpetayanan,

1 SAMUEL 2:30

Iamoto Nama’kada tu PUANG, Kapenombanna to Israel. Nakua: Iatu kadangKu dolona masero, kumua iatu bati’mu sia bati’na ambe’mu la lolang dio oloKu sae lakona, apa totemo Nakua kadanNa PUANG: Mambelamo tu iannato dio mai Kaleku, belanna minda-minda umpakala’bi’Na’, la Kupakala’bi’ duka, apa minda-minda tu ussayuNa’, la dipamatuna.