MATIUS 24:31 - Sura' Madatu

³¹ Anna ussua malaeka’Na umpannoni tarompe’ pua, kapua oninna, sia urrampun mintu’ to NapileinNa dio mai matallo matampu’, lo’ mai engkokna padang sae rekke ulunna langi’, tempon dio mai randanna langi’ sae lako randan sangsesena.

MATIUS 24:31 ပူးပေါင်းရင်းမြစ်များ

PA’PUDIAN 22:27

Iatu to umpamadiongan penaanna la kumande sadia’na, sia mintu’ to undaka’ PUANG la umpudiI. Sangapaoi anna paya tu sumanga’mi tontong sae lakona.

PA’PUDIAN 67:7

Iatu padang umpakendekmo burana, na Puang Matua, Kapenombanta, umpamasakkeki’;

PA’PUDIAN 81:3

Menanikomi, sia pannonii tu ganda’-ganda’, sia katapi merio’-rio’ oninna sia dandi.

KATASSURAN 19:16

Iatonna ma’duang bongian melambi’ dadimi dao buntu iato tu ba’tu pira-pira guntu’ sia kila’ sia gaun makamban sia oni tarompe’ pua lendu’ kapuana, naurunganni sipa’parondoan nasang tu tau iato mai lan lu to’ tenda.

YESAYA 11:12

La Naangkaran bate-bate tu mintu’ bangsa sia la Napasipulung sae tu mintu’ to Israel mangka diula’i male, sia la Napopa’misa sule dio mai tetuk a’pa’na lino tu mintu’ baine to Yehuda mangka dipatisambo’-sambo’.

YESAYA 13:5

Tau iato mai lu dio mai padang mambela, dio mai randan langi’, PUANG sola parea kasengkeanNa tu la ussanggangi tu mintu’ lino.

YESAYA 27:13

Sia attu ia dukato, la den tu napiri tanduk la dipannoni, anna sae nasang tu tau iato mai, tu tisambo’ lako tana Asyur sia tu diula’i lako Mesir la sae sola nasangi tukku umpenombai PUANG dao buntu maindan dio Yerusalem.

YESAYA 42:10

PakendekanNi nanian ba’ru tu PUANG, sia kadipudianNa dio mai mintu’ randan langi’, e kamu to massombaran lan lu tasik sia mintu’ tu issinna; e kamu randan tasik sia mintu’ to umpa’tondokki.

YESAYA 43:6

La Kukua rekke ulunna salu; Pasulei, anna sau’ pollo’na uai: Da mupadapai, solanni sule tu mai anakKu muane dio mai padang mambela sia iatu mai anakKu baine dio mai randan langi’,

YESAYA 45:22

Lu maikomi Kaleku, ammi makarimman, e mintu’ randan langi’, belanna Akumo tu Puang Matua tae’ senga’na.

YESAYA 49:18

Bangunanni tu matammu tiku lao, ammu tiroi tu mintu’ tau iato mai; sirampunmo anna sae unpengkareke’iko. La lelukraka tuoKu, kadanNa PUANG, mula umpakeanri kalemu butung to belo, sia la mukassaran kalemu sangtinti baine diparampo.

YESAYA 60:4

Bangunanni tu matammu, tiroi tiku lao: la ma’balole’ tu tau iato mai sirampun lako kalemu; iatu mai anakmu muane la sae dio mai padang mambela sia iatu mai anakmu baine la sae duka dikepak.

DANIEL 7:2

Ma’kadami tu Daniel nakua: Iatonna bongi kutiro lan patiro mendeata, songlo’ tu a’pa’ angin dao mai langi’ umpatigega’ tasik kapua;

ZAKHARIA 14:5

Attu iato la mallaikomi rokko lombok buntungKu, belanna iatu lombokna buntu iato la sumpu sae lako Azal, ondongpi la mallaikomi, susi kamallaiammi dio mai lino’ tonna linona Uzia, datu Yehuda. Sia iatu PUANG, Kapenombangku, la sae sola mintu’ to masero.

ZAKHARIA 2:6

Madoi’komi, madoi’komi. Mallaikomi lan mai tondok rampe daanna lu! kadanNa PUANG, belanna mangkamokomi Kupatisambo’ lako a’pa’ matanna angin, kadanNa PUANG.

ZAKHARIA 6:5

Mebalimi tu malaeka’ iato lako kaleku nakua: Iate apa iate tassu’ dio mai inanna sikandappi’ Puangna mintu’ lino, nalulako a’pa’ mata angin dao langi’.

ZAKHARIA 9:10

Attu iato la Kuputtai tu mintu’ kareta dio mai Efraim sia darang dio mai Yerusalem, sia ia duka tu pana dipake parari; sia la umpakalelean kamarampasan lako mintu’ bangsa, sia iatu kaparentanna la randuk dio mai tasik sae lako tasik sia dio mai Salu sae lako randan langi’.

ZAKHARIA 9:14

La sombo tu PUANG lako tau iato mai sia iatu anak panaNa la tassu’ susito kila’ sia Puangta PUANG la umpannoni napiri tanduk sia la ke’de’ naturu’ angin bara’ rampe lo’na lu.

MATIUS 13:41

La Nasua Anak rampan dilino tu malaeka’Na, anna rampunni tu mintu’na patua’ ba’tangna sia to umpogau’ kabulitukan lan mai ParentaNa.

MATIUS 24:22

Sia iakenna tae’ nadipakadomi’ tu attunna, inang la tae’mo tau misa’ duka dikarimmanni; apa belanna iatu mintu’ to ditonno’, anna dipakadomi’ tu attu iato.

MATIUS 24:24

Belanna ba’tu pira-pira tu Kristus tang tongan sia nabi tang tongan la bendan, tu umpabu’tu tanda kalle-kallean tongan sia penggauran memangngan, kumua anna ma’papusa moi na iatu to ditonno’, ke la ma’din siai.

MATIUS 24:32

Alai rapang-rapangna dio kayu ara: ianna mentarukmo takke’-takke’na sia mellolo, inang miissan bangmo kumua la madomi’mo pealloan.

MATIUS 25:31

IanNa sae tu Anak rampan dilino nakabu’ kamala’biranNa, sia naturu’ mintu’ malaeka’Na, anNa unno’ko’ dao isungan kapayunganNa;

MATIUS 28:18

Napentireke’imi Yesu, anNa ma’kada lako tu tau, Nakua: Mintu’na kakuasan disorongmo lako Kaleku, la dao suruga la lan te lino.

MARKUS 13:27

Namane ussuai tu malaeka’Na sia urrampunni tu mintu’ to Napilei dio mai matallo matampu’ lo’ mai engkokna padang sae rekke ulunna langi’, dio mai randanna lino sae lako randanna langi’.

LUKAS 24:47

nadipalele sola sanganNa tu kamengkatobaran umpasae kadipa’deian kasalan lako mintu’ issinna lino nasambo langi’ narande tana, randuk dio mai Yerusalem.

YOHANES 11:52

Sia tae’ kumua la ussonda mannai bangsa iato, sangadinna kumua anNa pasirampunni tu mai mintu’ anakNa Puang Matua tu sisarak-sarak bangmo anNa pamisa’i kombongan.

ROMA 10:18

Apa kukua: Tae’paraka narangii? Tonganna tongan! Memannamo tu gamaranna lan mintu’ lino, sia iatu kadanna landa’mo lako randanna langi’.

1 KORINTUS 15:52

sattu’ri, sangpekkappidian mata, to ke ma’katampakanna oni tarompe’ pua; belanna la dipannoni tu tarompe’ pua, nadipamalimbangun tu mintu’ to mate, umpotampa tampa tang la sanggang, na kita te la dipopembaliki’.

EFESUS 1:10

la Napasakka’ tu kagannaranna attu, anNa pasipulungi ma’misa lan Kristus tu mintu’na apa la daona suruga, la lanna lino.

PA’TOLE 30:4

Moi na iatu to dirambaimmu torro dio randan langi’, la Napasirampun duka PUANG, Kapenombammu, dio mai sia Nasolan dio mai,

PA’TOLE 4:32

Belanna pekutananni tu allo lendu’mo, tu attu dolo na iko, temponna Puang Matua umpadadi tolino dao kuli’na padang; sia mekutanako dio mai randan langi’ sae lako randan langi’, ba’tu la denni dadi misa’ apa susi kapuanna te ba’tu dirangi misa’ apa susite.

1 TESALONIKA 4:16

Belanna Puang kalena la songlo’ dao mai suruga situru’ petamba sia gamaranna pangulu malaeka’ sia oni tarompe’ puaNa Puang Matua; na mintu’na tu to mate lanmo Kristus la malimbangun dolo;

2 TESALONIKA 2:1

Iatu diona kasaeanNa Puangta Yesu Kristus, sia iatu diona kasipulunganta sola, kipalaku lako kalemi, e sang siulurangku,

IBRANI 12:19

sia lako oni tarompe’ pua sia gumalugunna kada, naurunganni meta’damo tu to urrangii, kumua damo nadipalanda’ tu kada.

KADA OMBO’ LAKO RASULU’ YOHANES 1:20

Iatu rasia diona tu pitu bintoen tu mangka mutiro lan lima kananKu, sia iatu pitu tongkonan palita bulaan battuananna: iatu pitu bintoen iamo malaeka’na to pitu kombongan, na iatu pitu tongkonan palita, iamo pitu kombongan.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

KADA OMBO’ LAKO RASULU’ YOHANES 7:1

Undinnato kutiromi tu a’pa’ malaeka’ bendan dio tetuk a’pa’na lino, untampang a’pa’ mata angin, kumua da namangiri’ tu angin lan lino ba’tu lan tasik ba’tu moi dio lu to’ garonto’ kayu.

KADA OMBO’ LAKO RASULU’ YOHANES 8:2

Kutiromi tu pitu malaeka’ bendan dio oloNa Puang Matua, anna diben pitu tarompe’ pua.