MATIUS 24:2 - Sura' Madatu

² Mebalimi Nakua ungkuanni tinde tau: Tang mipemaranga nasangmoraka te mintu’na te? Tonganna tongan Kukua mati’, tae’ la torro indete tu batu mettodo’ dao batu senga’, tu tang la diseranna.

MATIUS 24:2 ပူးပေါင်းရင်းမြစ်များ

YEREMIA 26:18

Iatonna linona Hizkia, datu Yehuda, ma’nubua’mi Mikha, to Moresyet sia ma’kada lako mintu’ bangsa Yehuda, nakua: Inde sia tu kadanNa PUANGna mintu’ ma’dandan maritik, kumua: Iatu Sion la ditengko susi pa’lak sia Yerusalem la daun lauan, sia iatu buntu nanii Banua Kabusungan la membuntu pangala’ kamban.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.

LUKAS 19:44

sia napemparrakangko rokko padang nasilullu’iko sola mintu’ anakmu lan lili’mu sia tae’mo batu la mettodo’ dao batu natampeangko lan lili’mu, belanna tae’ mupalan ara’i tu attunna kasaeanna pa’kamaseanNa Puang Matua lako kalemu.

2 PETRUS 3:11

Belanna susinna la kasangganganna to tu mintu’ apa, naumbara la mipakuanni tu kalemi unturu’ gau’ masallo’ sia kamengkaolan?

KADA OMBO’ LAKO RASULU’ YOHANES 21:22

Tae’ kutiro tu banua kabusunganNa Puang Matua lan, belanna Puang Kapenomban, Umpoissan angge maritik sia Anak domba tu napobanua kabusungan.