MATIUS 24:14 - Sura' Madatu

¹⁴ Iatu Kareba kaparannuan diona ParentaNa Puang Matua la dipa’peissanan lan mintu’ lili’na te lino la mendadi tanda sa’binna lako mintu’ bangsa; undinnato, maneri sae tu katappuranna.

MATIUS 24:14 ပူးပေါင်းရင်းမြစ်များ

YEHEZKIEL 7:10

Tiromi tu allo! Tiromi rampomo tu kamandasan; tiparandukmo tu lampakmu; mentarukmo tu tekken; menta’bimo tu kamatampoan.

MATIUS 10:7

Iammi male lako lalan pa’peissananni kumua: Mengkareke’mo tu Parenta Suruga.

MATIUS 18:19

Sia Kukua duka lako kalemi: Iake denkomi da’dua lan lino sanginaa umpalaku ba’tu apa-apa, la Napadenangkomi Ambe’Ku dao suruga tu iannato.

MATIUS 24:3

Tonna unno’ko’ dao buntu Zaitun, ussarakki misami kalena tu anak gurunNa nasae lako Kalena, sia nakua: Pokadangkan, attu umbara nala dadi tu iannato, sia apara tandana tu kasaeamMi sia katappuranna te lino?

MATIUS 24:6

La mirangi tu diona kasirarian sia kareba kasirarian, apa da mitiramban, belanna tae’ nasalai tang dadi tu mintu’nato, apa tae’pa nala katappuranna to.

MATIUS 4:23

Malemi tu Yesu ullelei mintu’ tana Galilea mangada’i lan lu banua pa’kombonganna tau, sia umpa’peissanan Kareba kaparannuan diona ParentaNa Puang Matua sia umpasoro’ mintu’ saki sia rammun dio mai kalena tau.

MATIUS 9:35

Malemi tu Yesu ullelei mintu’ kota sia kampong, Namangada’i lan lu banua pa’kombonganna tau sia umpa’peissanan Kareba kaparannuan diona parentanNa Puang Matua sia umpasoro’ mintu’ saki sia rammun.

MARKUS 13:10

Tae’ nasalai tang dipa’peissanan dolo tu Kareba kaparannuan lako mintu’ bangsa.

LUKAS 2:1

Den pissan tonna iato, sunmi parenta dio mai datu Agustus mesua ussura’ sanganna mintu’ tau lan parentana.

LUKAS 24:47

nadipalele sola sanganNa tu kamengkatobaran umpasae kadipa’deian kasalan lako mintu’ issinna lino nasambo langi’ narande tana, randuk dio mai Yerusalem.

LUKAS 4:5

Nasolammi deata bulituk langngan madona, napatiroanni lako tu mintu’ parenta lan te lino, sattu’.

PENGGAURANNA RASULU’ 1:2

sae lako allo dipakendekNa langngan suruga, tonNa mangka umpokadanni parenta tu mai rasulu’ mangka Napilei umpake kuasanNa Penaa Masallo’.

PENGGAURANNA RASULU’ 11:28

Bendanmi misa’ tu disanganna Agabus, anna pa’peissananni belanna pa’patudu-tudunNa Penaa, kumua la sae karorian pannang lan mintu’ lili’na lino. Dadimi tu iannato tonna linona Klaudius.

PENGGAURANNA RASULU’ 17:31

Belanna Napamanassamo tu allo sangallo tu la Nanii umpaolai salunna tu mintu’ issinna lino situru’ kamalamburan tete dio Misa’ To mangka Napamanassa anNa pakatuai lako mintu’ tolino, tu diona kaNapamalimbangunanNa dio mai to’ to mate.

PENGGAURANNA RASULU’ 17:6

Apa tae’ nakabu’tui tinde tau da’dua, iami tu Yason sola ba’tu pira-pira to menturu’ nariu’-riu’ lako to ma’parenta lan tondok sia metamba-tamba, nakua: Saemo inde mai te to silelemo lino nanii ma’pamaramba,

PENGGAURANNA RASULU’ 19:27

Iatu iannato tangngia ia manna tu pandakaranta ia nasura’ naurunganni tang la lala’, apa iari tu banua dinii umpenombai Artemis, deata mala’bi’, tae’mo nala ungkatondo’i tau, anna pa’de kamala’biranna tu deata napenombai mintu’ tau lan tana Asia sia mintu’ tau lan te lino.

PENGGAURANNA RASULU’ 20:25

Tiromi totemo, kuissan kumua iatu kamu mintu’ tu mangkannamo kutollongi kupokadan ParentaNa Puang Matua, tae’mo mila untiroi rupangku.

ROMA 10:18

Apa kukua: Tae’paraka narangii? Tonganna tongan! Memannamo tu gamaranna lan mintu’ lino, sia iatu kadanna landa’mo lako randanna langi’.

KOLOSE 1:23

podo ammi bantang sia batta’ umpoparandangan kapatonganan, apa pole’pa, ke tae’i mimemboko’ dio mai kapa’rannuanan napabu’tu Kareba-kaparannuan, tu mangkamo mirangi, tu dipa’peissanan lako mintu’ sangga menaa lan nasambo langi’ sia tu kuninna te aku Paulus mendadi to ma’kamayana.

KOLOSE 1:6

tu ullambi’mokomi, susitu lannamo mintu’ lino, tu membua sia sakerangngan-rangnganna, susi dio kalemi, randuk dio mai miranginnamo sia mitandainna tonganmo tu pa’kamaseanNa Puang Matua,

IBRANI 1:6

Tu diona attu, ke la Napatama polei lino tu Anak pa’bunga’ iato, nakua kadanNa: Mintu’ malaeka’Na Puang Matua la umpenombai

IBRANI 2:5

Belanna tangia Nasorong lu lako malaeka’ anNa popengkanorongi tu lino undi, tu tapokadanna.

KADA OMBO’ LAKO RASULU’ YOHANES 14:6

Kutiromi misa’ malaeka’ senga’ mentia’ lan tangngana langi’, sia umbaa Kareba-kaparannuan matontongan, la napa’peissanan lako mintu’ to untorroi te kuli’na padang, iamotu mintu’ bangsa sia suku sia basa sia to sangpetayanan,

KADA OMBO’ LAKO RASULU’ YOHANES 16:14

belanna sola tallui to, iamo penaa deata masussuk, tu umpabu’tu ba’tu pira-pira tanda kalle-kallean sia male umpellambi’i mintu’ datu lino la umpasipulungi la unnea ke allo kapuai, iamotu alloNa Puang Matua Umpoissan angge maritik.

KADA OMBO’ LAKO RASULU’ YOHANES 3:10

Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.