MATIUS 23:8 - Sura' Madatu

⁸ Apa iatu kamu da nasangaikomi tau Rabi: Belanna Misa’ri tu Gurummi, na iatu kamu sola nasang siulu’komi.

MATIUS 23:8 ပူးပေါင်းရင်းမြစ်များ

MATIUS 10:25

Madaoammo tu to digurui ke pada-padai gurunna, ten dukato tu kaunan anna puangna. Iake nasangai tau Beelzebul tu ampu banua, ontong pissanpa tu to lan banuanna.

MATIUS 17:5

Marassan bangsia ma’kada-kada, pakalan denmi sangleon gaun parrang unnonganni; narangimi tu gamara lan mai gaun iato nakua: Iamote tu Anak Pa’kaboro’Ku, Ia dukamo nanii kasendeangKu; perangii.

MATIUS 23:10

Sia da nasangakomi tau panglalan, belanna Misa’ri tu Panglalanmi, Iamotu Kristus.

MATIUS 23:7

sia naporai dipekatabe’i dio lu pasa’, sia naporai nasanga tau Rabi.

MATIUS 26:25

Mebalimi Yudas tu la umpa’peturoanNi, nakua: akuraka, Guru? Nakuami Yesu ungkuanni: Susimo tu kadammu.

MATIUS 26:49

Attu ia bangsiamoto nasae lako Yesu sia nakua: SiriaKomi kamarampasan, Guru! namane unnudungi.

MARKUS 10:51

Mebalimi Yesu lako, Nakua: Apara mukamorai la Kupogau’ lako kalemu? Nakuami tinde to buta lako: O Guru, elo’namo ke pakita dukana’.

MARKUS 11:21

Nakilalaimi Petrus tu iannato, nakuami lako: O Rabbi tiromi marangkemo tu kayu ara Migatai.

MARKUS 14:45

Saemi nata’pa umpentireke’i Yesu sia nakua lako: O Guru!, naudungI.

MARKUS 9:5

Ma’kadami tu Petrus lako Yesu nakua: O Guru, melo ke indemoki’ te; kigaragamora lantang tallu, misa’ Kamu, na misa’ Musa na misa’ Elia.

LUKAS 22:32

apa mangkamoko Kupassambayangan, da napinda tu kapatonganammu, dadi iammu mangkamo mengkatoba’, pabatta’i tu penaanna mintu’ siulu’mu.

YOHANES 1:38

Messailemi tu Yesu; iatonna kitai undi urrundu’I, Nakuami ungkuanni: Apara tu midaka’? Nakuami mebali: O Rabi! – ke dipallemba’i battuananna Guru –: umbara Minii torro?

YOHANES 1:49

Nakuami Natanael mebali lako: O Rabi, Kamumo tu AnakNa Puang Matua! Kamumo tu Datunna to Israel!

YOHANES 11:8

Nakuami tu anak gurunNa lako: O Rabi, mane mangka bang tu to Yahudi la morai untumbuiKomi batu, na totemo la suleomoKomi lako?

YOHANES 20:16

Nakuami Yesu lako: E Maria. Menggirikmi tu Maria sia nakua lako ma’basa Ibrani: Rabbuni! battuananna: Guru.

YOHANES 3:2

Sae bongi lako Yesu, nakua lako: O Rabi, kiissan kumua Kamumo misa’ guru lu dio mai Puang Matua, belanna tae’ ia misa’ tau ma’din umpogau’i tu tanda kalle-kallean susitu Mipogau’, ke tae’i Narondongi Puang Matua.

YOHANES 3:26

Saemi lako Yohanes sia nakua lako: O Rabi, iatu To misolan dio sambalinna lu Yordan, tu mikatottongi, tiromi undio’mo tau sia sangsaean tu tau lako Kalena.

YOHANES 4:31

Tonna iato natambaimi anak gurunNa, nakua: O Rabi, kumandemoKomi.

YOHANES 6:25

Iatonna lambi’mi sambali’ rampe lianna tasik, nakuami tinde tau lako: O Rabi, piranra Misae dio mai?

YOHANES 9:2

Mekutanami tu anak gurunNa lako nakua: O Rabi, mindannara tu umpogau’ kasalan: iaraka te taute ba’tu indo’ ambe’naraka, naurunganni buta tempon dio mai dadinna?

2 KORINTUS 1:24

Tae’ kumua kami umbanni katonganan tu kapatonganammi, sangadinna la untundui kaparannuammi; belanna diona kapatonganan ammi bantang bendan.

2 KORINTUS 4:5

Belanna tangia kaleki kipa’peissanan, sangadinna Kristus Yesu, kumua Iamotu Puang, na kami te kaunanmikan tu belanna Yesu.

EFESUS 3:15

tu dio mai Kalena anna mintu’ bangsa dao suruga sia lan lino disangai,

FILEMON 1:16

totemo tae’mo nasusi kaunan, sangadinna mala’bi’mo ia na kaunan, susimo siulu’ dipakaboro’, ma’ondonganna lako kaleku, tang dipokada pissanmo tu ikona, la lanna a’gan tolino, la diona kasiturusan lan Puang.

YAKOBUS 3:1

E sangsiulurangku, da mibuda morai la mendadi guru, belanna miissan kumua la nakannaki’ kadiparessan mandu magasa;

1 PETRUS 5:3

da mia’ga to ma’parenta kalemi lako mintu’ to dipatagerangkomi, sangadinna umpa’petiroangkomi kalemi la dadi sangka’lako mintu’ domba iato.

KADA OMBO’ LAKO RASULU’ YOHANES 1:9

Akumo Yohanes te, siulu’mi sia sangmuanemi lan kadipakario-rioan sia lan Kadatuan sia lan kabattaran tu lan Yesu, indemo’ lebukan disanga Patmos, belanna kadanNa Puang Matua sia apa Napamanassanna’ Yesu.

KADA OMBO’ LAKO RASULU’ YOHANES 19:10

Tukkumo’ umpenombai, apa nakua lako kaleku: Da mususi to! Aku te, padaki’ taunNa Puang Matua, sia susi duka mintu’ sangsiulurammu tu untoena apa Nakatottonginna Yesu; Puang Matua Ia tu la mupenombai! Belanna iatu apa Nakatottonginna Yesu, iamo napopenaa pa’nubua’.

KADA OMBO’ LAKO RASULU’ YOHANES 22:9

Nakuami lako kaleku: Da mususi to. Aku te padaki’ taunNa Puang Matua, sia susi duka mintu’ sangsiulurammu, nabi sia mintu’nato ungkaritutui mintu’ kada lan sura’ iate. Puang Matua Ia mupenombai.