MATIUS 23:16 - Sura' Madatu

¹⁶ Upu’ allomi, e panglalan buta, tu ma’kada kumua: Minda-minda umposumpai tu Banua Kabusungan, tae’ namatumba; apa minda-minda, umposumpai tu bulaan lan Banua Kabusungan, tae’mo natilendok.

MATIUS 23:16 ပူးပေါင်းရင်းမြစ်များ

YESAYA 9:16

Iamoto anna tang umposendei PUANG tu mai to manguranna, sia tae’ anNa katuru-turui tu mai pia biungna sia mintu’ baine balunna, belanna to untananni nasang boko’ Puang sia to bulituk sia kapanglangdoan sun dio pudukna. Moi anna susito iate mintu’na, tae’ anna poradanni kasengkeanNa Puang, sangadinna tontong bangpa tie’te’ tu limanNa.

MATIUS 15:14

Elo’na ia namale. Perenden butanna ia to buta tu tau iatu mati’. Iake to buta urrenden to buta, inang la tobang sola duai rokko garuang.

MATIUS 23:13

Upu’ allomi, e pandita Sura’ sia to Farisi, to belo puduk! belanna mitutu’ tu ba’ba Parenta Suruga miampangi tu tau. Kamu tang tama, na iatu to la morai tama migagai.

MATIUS 23:17

E to baga sia buta! Umbara la ondong: bulaanraka ba’tu banua kabusunganraka tu umpamadatunna bulaan?

MATIUS 23:19

E to buta, umbara la ondong: pemala’raka ba’tu inan pemala’raka, tu umpamadatui tu pemala’?

MATIUS 23:24

E perenden buta, to ussungke’i kasisi’, anna unta naampello’ kalebu.

MATIUS 23:26

E to Farisi buta! Basei dolo tu lanna lu kandian sia irusan, anna pada mabase salianna.

GALATIA 5:3

Sia kupamaleso pole’ lako tu to umpogau’ sunna’, kumua pato’ ungkaritutui tu mintu’ tuntunan Sukaran aluk.

YAKOBUS 5:12

Apa iatu ma’iringanna tongan, e sangsiulurangku, da ammi menggata, la umpopenggata langi’ ba’tu lino, ba’tu penggata senga’, sangadinna la mikua tonganna, ke tonganni, sia tae’, ke tae’i, da naruakomi pangra’ta kadiukungan.