MATIUS 23:12 - Sura' Madatu

¹² Minda-minda umpamadaoan kalena, iamo la dipamadiongan; sia minda-minda umpamadiongan kalena, iamo la dipamadaoan.

MATIUS 23:12 ပူးပေါင်းရင်းမြစ်များ

AYUB 22:29

Moi dilese lu rokkoko, ma’kada layuk siapoko! sia minda-minda umpamadiongan pentirona, Puang la untundui.

PA’PUDIAN 138:6

Tonganna kumua matande liu tu PUANG, anNa tiro lumbang to umpopengkadiongan penaanna, na iatu to matampo mambelapa naissanni.

SARAMBU PEADA’ 15:33

Kamatakuran lako PUANG iamo pangadaran mebaa lako undoloan kadipangkeran.

SARAMBU PEADA’ 29:23

Diona kamadoan penaa anna dipamadiongan tu misa’ tau, apa iatu to umpopengkadiongan penaanna la unnappa’ kamala’biran.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

MATIUS 18:4

Iamoto, minda-minda tu umpamadiongan kalena susite pia’-pia’, iamo la madaoanna lan Parenta Suruga.

MATIUS 5:3

Maupa’ tu mintu’ to umpamadiongan penaanna belanna tau iato umpoparenta Parenta Suruga.

LUKAS 14:11

Belanna minda-minda umpamadoan kalena, iamo la dipamadiongan, na minda-minda umpamadiongan kalena, iamo la dipamadoan.

LUKAS 18:14

Kukua lako kalemi: iate tau iate diseroi sule lako banuanna, apa iatu tau ina’ tae’, belanna minda-minda umpamadoan bang kalena, iamo la dipamadiongan, na minda-minda umpamadiongan kalena, iamo la dipamadoan.

YAKOBUS 4:6

Apa Napa’bengan tu pa’kamasean mandu kapua. Iamo bannangna to anna kua lan Sura’ Madatu: Puang Matua umbali to matampo, apa Napa’kamasean tu pa’kamasean lako to madiongan penaanna.

1 PETRUS 5:5

Susi duka kamu, e to mangura, la tundukkomi lako mintu’ penatua sia la situndu-tunduangkomi sola nasang umpotambeke’ kaumpamadiongan penaa; belanna Nabali Puang Matua tu to matampo, apa Napa’kamasean tu pa’kamasean lako to madiongan penaanna.

1 PETRUS 5:6

Iamoto la mipamadiongan tu kalemi diong to’ lima matoto’Na Puang Matua umpoissan angge maritik, anNa pamalangka’komi ke attunNami.