MATIUS 22:4 - Sura' Madatu

⁴ Nasua pole’omi tu kaunan senga’na, nakua: Pokadanni tu to ditambai kumua: suka’-suka’i, kupasakka’mo tu pa’maruasangku, mangkamo kutunu tu mai tedongku sia patuoan maloppokku, sia sakka’ nasangmo; maimokomi umpellindoi te pa’maruasan rampanan kapa’.

MATIUS 22:4 ပူးပေါင်းရင်းမြစ်များ

NEHEMIA 9:17

Mengkailing tu tau iato mai ma’perangi sia tae’ nakilalai tu mintu’ tanda mangnga mangka Mipogau’ dio lu tau iato mai sia napabattuk tu penaanna sia unnangka’ misa’ pangulu lan kapabali-balianna la sule lako kakaunananna. Apa Kamumo tu Kapenomban ma’pagarri’ sia maturu-turu, sia mamase sia kalando pesuka’ sia kapua kamasokanamMi sia tae’ Mitampei tu tau iato mai.

PA’PUDIAN 86:5

Belanna Kamu to masokan, o Puang, sia malangngo’ penaamMi umpa’dei salana tau, sia kapua kamaturu-turuamMi lako mintu’ to umpengkamoyaiKomi.

SARAMBU PEADA’ 15:17

Moi nautan manna dikande, ke situangi kasipakaborosan, mandu melo na iatu sapi malompo ke situangi kasikabirisan.

PA’TENDENG BALLO 5:1

– Saemo’ lako pa’lak bungangku, e adingku, e dodo’ sangkalamma’ku, kururukmo tu murungku sia pebangki’ku, kukandemo tu tallo’ merangku sola tani’ enoangku, kuiru’mo tu uai anggoro’ku sia pangandu’ku. E mintu’ sangmaneku, la kumandekomi sia mangiru’, sanabossami, e sangmane karra’ku.

MATIUS 21:36

Nasua pole’omi tu kaunan senga’na, losong pole’o na iatu dolona; apa napasusi siao tu dolona.

MATIUS 22:5

Apa napasalai duka penaa tau sia male, den lu lako pa’lakna, den lu lako pa’balilinna.

MATIUS 22:8

Nakuami lako kaunanna: Tonganna sakka’mo tu pa’maruasan rampanan kapa’, apa to ditambaimira tu tang sipatu.

LUKAS 14:17

Iatonna la kumandemo tau, nasuami tu kaunanna umpokadai lako tu to ditambai, kumua: Maimokomi, belanna sakka’ nasangmo.

PENGGAURANNA RASULU’ 1:8

Apa la untarimakomi kamatotoran to ke saeI unta’paikomi tu Penaa Masallo’, na kamu ungkatottongiNa’, la dio Yerusalem, la dio mintu’ tana Yudea ba’tu dio Samaria sae lako randanna langi’.

PENGGAURANNA RASULU’ 13:46

Apa batta’ tu Paulus sola Barnabas ma’kada nakua: Sipatu kamu la dolo dipokadan tu kadanNa Puang Matua, apa belanna mitumpu sia misanga tang sipatu katuoan sae lakona tu kalemi, angki lu lako kami to kapere’.

ROMA 8:32

Ia duka Ia tang umbudanan AnakNa sangadinna Nasorong belanna kita sola nasang, ma’apai Nala tang umpa’kamaseanni tu mintu’na sisola tu AnakNa lako kaleta?