MATIUS 22:30 - Sura' Madatu

³⁰ Belanna iake allo katuoan sule, tae’mo tau kebaine sia tae’ tau dipakemuane, sangadinna susi bangmo malaeka’ dao suruga.

MATIUS 22:30 ပူးပေါင်းရင်းမြစ်များ

PA’PUDIAN 103:20

Pudimi tu PUANG, e mintu’ malaeka’Na, e mintu’ to lalong, tu umpogau’ kadanNa. Sia umperangii kadanNa!

ZAKHARIA 3:7

Inde sia tu kadanNa PUANGna mintu’ ma’dandan maritik, Nakua: Iake muturu’i tu mintu’ lalanKu sia mukaritutui tu apa Kupatagerangko, manassa la muparenta tu banuangKu sia la mukampai duka tu tarampakKu, angKu elorangko male sola tu tau bendan inde te.

MATIUS 13:43

Iake attu iato la parrang susi allo tu mintu’ to malolo penaanna lan Parentana Ambe’Na. Minda-minda tu ketalinga, nama’perangi.

MATIUS 18:10

Kanandai tonganni, da naden misa’ mitapa’ te to bongko iate. Belanna Kukua mati’, iatu mintu’ malaeka’na lan suruga tontong untiro lindo Ambe’Ku dao suruga.

MATIUS 22:31

Apa iatu diona katuoanna to mate sule, tae’paraka mibasai tu NapokadanNa Puang Matua lako kalemi, kumua:

MATIUS 24:38

Belanna susi bangsia tonna attu la madomi’mo sae uai saba’: kumande-mande bang tu tau, sia mangiru’ sia kebaine sia ma’pakemuane, sae lako allo katamanna Nuh tama lembang.

LUKAS 17:27

Kumande-mande bang tu tau sia mangiru’ sia kebaine sia dipakemuane sae lako allo katamanna Nuh tama lembang nasae uai saba’ ussabu’i sola nasang.

KADA OMBO’ LAKO RASULU’ YOHANES 19:10

Tukkumo’ umpenombai, apa nakua lako kaleku: Da mususi to! Aku te, padaki’ taunNa Puang Matua, sia susi duka mintu’ sangsiulurammu tu untoena apa Nakatottonginna Yesu; Puang Matua Ia tu la mupenombai! Belanna iatu apa Nakatottonginna Yesu, iamo napopenaa pa’nubua’.