MATIUS 22:24 - Sura' Madatu

²⁴ O Guru, naannangki’ Musa kumua, iake denni tau mate, anna tae’ nakeanak, siulu’na la umpobainei tu bainena anna pabu’tuanni bati’ tu siulu’na.

MATIUS 22:24 ပူးပေါင်းရင်းမြစ်များ

KADADIAN 38:11

Nakuami Yehuda lako Tamar, menintunna: Belangpako lan banuanna ambe’mu sae lako kapuanna tu anakku Syela, belanna nakua lan penaanna: podo da namate susito kakanna da’dua. Malemi tu Tamar natorro dio banuanna ambe’na.

KADADIAN 38:8

Nakuami Yehuda lako Onan: Maleko lako to’ bainena kakammu ammu pobainei ussonda kakammu sia padenanni bati’ tu kakammu.

MATIUS 22:16

Anak gurunna kalenami nasua sola to Herodian lao umpokadai kumua: O Guru, kiissan kumua Kamumo misa’ to malolo, sia lalanna tongan bang Puang Matua Mipa’pangadaran, sia tae’ tau Milaenan moi misa’ duka, belanna tae’ Mimentiro lindo lako tau.

MATIUS 22:25

Denmo solaki pitui muane massiulu’; kebainemi tu pa’bunga’na anna mate; na belanna tae’ nakeanak, natampeammi siulu’na tu bainena.

MATIUS 22:36

O guru, umbannara tu ma’indo’na parentaNa Puang Matua lan Sukaran aluk?

MATIUS 7:21

Tae’ namintu’ tu to metamba lako Kaleku kumua: O Puang, o Puang! tu la tama Parenta Suruga; sangadinna iatu to umpogau’ pa’poraianNa Ambe’ku dao suruga.

MARKUS 12:19

O Guru, mangkamoki’ nasurasan Musa te pepasan iate, kumua: iake denni siulu’na tau mate, anna den bainena natampe, apa tae’ nakianak, la napobaine siulu’na tu bainena anna pabu’tuanni bati’ tu siulu’na.

LUKAS 20:28

namekutana susite: O Guru! susite nasurasangkan Musa: Iake denni siulu’na tau kebainemo, namate, apa tae’ anak natampe tonna mate, siulu’na la umpobainei tu bainena, anna pabu’tuanni bati’ tu siulu’na.

LUKAS 20:33

Dadi iake allo katuoan sule to, umbannamo tinde tau sola nasang la umpobainei? Belanna mangkamo sola pitui umpobainei.

LUKAS 6:46

Ma’apai ammi ma’puang-puang untambaiNa’, anna tae’ mipogau’i susitu Kupokadanna?

RUT 1:11

Apa ma’kada tu Naomi nakua: Sulemokomi, e anakku, ma’apai mila male urrundu’na’? Denparaka pia muane lan pa’tambukangku tu ma’din la mipomuane?

RUT 3:13

Torromoko ma’bongi indete; masiangpa, ke morai siai la ulla’bakko, melo ke nala’bakko, apa iake tang naalai penaanna ulla’bakko, la lelukraka tuoNa PUANG, manassa la kula’bakko. Mamma’ bangmoko sae lako masiangna.

RUT 4:5

Apa ma’kada tu Boas nakua: Iammu allimi tu bela’ iato dio mai Naomi, la mutarima duka tu Rut, to Moab, bainena tu to mate iato, ammu patontongi tu sanganna tu to mate iato diona taa mana’na.