MATIUS 22:23 - Sura' Madatu

²³ Iatonna allo ia bangsiato, saemi ba’tu pira-pira to Saduki lako Kalena tu umpokadai kumua: tae’ tu katuoan sule, anna mekutana lako, nakua:

MATIUS 22:23 ပူးပေါင်းရင်းမြစ်များ

MATIUS 16:6

Nakuami Yesu ungkuanni: Pengkilalai tongan-tonganni, penandaikomi kalemi dio mai raginna to Farisi sia to Saduki.

MATIUS 3:7

Apa iatonna tiroi, buda tu to Farisi sia to Saduki sae duka la ma’popedio’, nakuami lako: E bati’ ula’ rame, mindara umpatudukomi umpallaian kalemi dio mai tu kasengkean la sae undinna?

PENGGAURANNA RASULU’ 4:1

Marassan bangsia sola duai umpa’kadai tu tau, saemi lako kalena tu mai tominaa sia pangulu Banua Kabusungan sisola to Saduki,

PENGGAURANNA RASULU’ 5:17

Ke’de’mi tu Tominaa Kapua sola mintu’ solana, tu mai sangserekanna to Saduki, ponno bangmo kamabirisan lan penaanna,

2 TIMOTIUS 2:18

tu sepangmo dio mai kamanapparan, sia nakua kumua iatu kamalimbangunanna to mate dadimo, na ba’tu pira-pira tu tau napatibalik tu kapatongananna.