MATIUS 22:18 - Sura' Madatu

¹⁸ Apa belanna Natandai Yesu tu tangnga’ kadakena, Nakuami: E to belo puduk, ma’apai ammi toba-tobaNa’?

MATIUS 22:18 ပူးပေါင်းရင်းမြစ်များ

MATIUS 12:15

Apa iatonna issanmi Yesu tu iannato, malemi inde to dio mai; budami tau undi urrundu’I anNa pamaleke nasangi,

MATIUS 19:3

Saemi tu to Farisi lako la untobaI nakua lako: Ma’dinraka tu tau untantang bainena diona mintu’na passalan?

MATIUS 22:17

Iamoto pokadangkanni, umbara Misanga? Sipaturaka disorong tu sima lako datu kapua, tae’raka?

MATIUS 22:19

PakitanNa’ tu doi’ diposima. Nabammi lako tu dinara’ misa’.

MARKUS 12:5

Nasua pole’omi tu to senga’, napatei tu tau iato, sia budapa tu to senga’ nasua, na iatu tau iato den pira nalonga’ den pira napatei.

MARKUS 2:8

Ta’pa Natandai bangsiami Yesu lan penaanNa kumua ma’tangnga’-tangnga’ susito tu tau iato mai lan ba’tangna, Nakuami lako: Ma’apari mima’tangnga’-tangnga’ mangea buni lan penaammi?

LUKAS 10:25

Ke’de’mi misa’ pandita Sukaran aluk la untoba Yesu, nakua: O Guru! apara sipatu la kupogau’, angku pomana’i tu katuoan sae lakona?

LUKAS 20:23

Apa Naissan Yesu tu tanga’na tinde tau, dadi Nakuami ungkuanni:

LUKAS 5:22

Iatonna issanmi Yesu tu pa’tangngaranna tinde tau sola nasang, Nakuami: Apara mitangnga’-tangnga’ lan penaammi?

LUKAS 9:47

Nadoloimi Yesu tu lanna penaanna tinde tau, Naalai misa’ tu pia’-pia’ Napareke’i lako Kalena,

YOHANES 2:25

Sia belanna tae’ Naanga’ misa’ duka tau la ungkatottongi tu diona tolino, belanna Ia kalena unnissanni tu lanna penaanna tolino.

YOHANES 8:6

Ia sia napokadai te, la nanii untobaI, kumua anna kabu’tui tu la naninna umparapa’I. Apa tukku tu Yesu umpassurasan rakka’Na rokko padang.

PENGGAURANNA RASULU’ 5:9

Apa nakua Petrus lako: Ma’apari misituru’iri untoba-toba PenaanNa Puang Matua? Tiromi tu lentekna to ullamun muanemu dio to’ ba’ba, tau iamoto tu la umbulleko lako salian.

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.