MATIUS 22:17 - Sura' Madatu

¹⁷ Iamoto pokadangkanni, umbara Misanga? Sipaturaka disorong tu sima lako datu kapua, tae’raka?

MATIUS 22:17 ပူးပေါင်းရင်းမြစ်များ

EZRA 4:13

La naissan puang, kumua iake bendanni te kota iate sia sundunmo tu benteng tembo’na, manassa tae’mo nabaya’i tau iato mai tu sima ulu, sassung sia sima balukan, naurunganni ma’katampakanna karugian tu puang.

EZRA 7:24

Sia kupokada duka lako kalemi tu diona mintu’ tominaa sia mintu’ to Lewi, sia tomenani, sia toma’kampa babangan sia topabali-balian lan Banua Kabusungan sia mintu’ toma’paraka lan banuanNa Puang Matua kumua tae’ nama’din miparuai sima, sassung ba’tu sima balukan.

NEHEMIA 5:4

Sia denmo tu ma’kada nakua: Unnindankan doi’ kipamayaran simangki lako datu, na pa’lakki sia pa’lak anggoro’ki kipaboro’.

NEHEMIA 9:37

Padang iate umpopemba’karan mintu’ datu burana, tu Miangkarangkanni belanna kasalangki, anna parentai tu kaleki sia iatu patuoangki unturu’ lalan penaanna; iamoto angki lan kapussakan kapua.

YEREMIA 42:20

Belanna umpakenakomi kalemi miurungan sisayuran katuoammi tommi suana’ lako PUANG, Kapenombammi ammi ma’kada kumua: Passambayangangkan langngan PUANG, Kapenombanta, sia mintu’ tu kadanNa PUANG, Kapenombanta, la mipokadangkan, manassa la kituru’.

MATIUS 17:25

Nakuami: Nabaya’. Iatonna tamamo banua tu Petrus, Napadoloimi Yesu umpa’kadai, Nakua: E Simon, umbara musanga? Mindara nanii tu mai datu lan te lino unnala sassung ba’tu sima? Dioraka mai anakna ba’tu dio mai to salian?

MATIUS 22:18

Apa belanna Natandai Yesu tu tangnga’ kadakena, Nakuami: E to belo puduk, ma’apai ammi toba-tobaNa’?

LUKAS 2:1

Den pissan tonna iato, sunmi parenta dio mai datu Agustus mesua ussura’ sanganna mintu’ tau lan parentana.

LUKAS 20:22

sipaturakannika la ussorong sima lako datu kapua, tae’raka?

LUKAS 3:1

Iatonna ma’taun sangpulo limamo tu kadatuanna datu kapua Tiberius tonna Pontius Pilatus to maraa dio Yudea, na Herodes datu dio Galilea, na Filipus siulu’na, datu dio Iturea sia lan parenta Trakhonitis, na Lisanias datu dio Abilene;

PENGGAURANNA RASULU’ 17:7

anna pebanuai Yason! iate tau iate mintu’ umbali-bali parentana datu kapua, nakua: den pole’opa tu datu, Iamotu Yesu.

PENGGAURANNA RASULU’ 25:8

Anna nakua Paulus umpebalii kumua: Tae’ bang misa’ tu kasalangku untengkai Sukaran alukna to Yahudi ba’tu lako Banua Kabusungan, ba’tu lakoraka datu kapua.

PENGGAURANNA RASULU’ 28:22

Apa kiporai duka la umperangii dio mai kalemi tu timbangammi; belanna iatu diona to sangserekan iate kiisanmo kumua umba-umba nii dite’ge’i.

PENGGAURANNA RASULU’ 5:37

Undinna na iate tau iate, bendanmi Yudas to Galilea, tonna disura’ sanganna tau; nabuda tau unturu’i unnea parenta; anna mangsan duka, nadipasisarak-sarak tu mintu’ to unturu’i.