MATIUS 22:13 - Sura' Madatu

¹³ Nakuami tu datu lako solana: Pungoi tu lentekna sia limanna, mipembuanganni lako kalillinanna dio salian; indemoto nanii katumangiran sia kasisangeran isi.

MATIUS 22:13 ပူးပေါင်းရင်းမြစ်များ

PA’PUDIAN 112:10

Iatu to tang mekaaluk rosso la untiroi tu iannato umpasisange’ isinna, anna poton; sia iatu kamaduanganna to tang mekaaluk tang lolo’.

PA’PUDIAN 37:12

Iatu to tang mekaaluk untambuk kadake lako to malambu’ sia nasangiran isi.

YESAYA 52:1

Matangkinko, matangkinko, pakei tu kamawatangammu, e Sion; pakei tu pakean ballomu, e Yerusalem, tondok maindan. Belanna tae’mo anna la tama mati’ tu to tang disunna’ ba’tu to maruttak.

DANIEL 3:20

Nasuami tu ba’tu pira-pira muane, tu mawatangna tongan dio mai surodadunna la umpungo Sadrakh, Mesakh na Abednego, napembuanganni tama dapo’, nanii api ma’lana-lana.

MATIUS 12:29

Ba’tu umbara la nakua la ma’din misa’ tau tama banuanna to mawatang sia umpangrampai banuanna, sangadi ke napungoi dolo tu to mawatang? Na undinna namane ma’din umpangrampai tu banuanna.

MATIUS 13:30

Da’ito anna tuo bangpa sola sae lako peparean, na iapa ke peparean angku kuanni tu to mepare kumua: Rampunni dolo tu pare-pare sia pori sisanguyunni anna diballa, apa iatu pare pakissinni langngan alangku.

MATIUS 13:42

Anna dipembuangan tama dapo’ nanii api; indemoto nanii katumangiran sia kasisangeran isi.

MATIUS 13:50

Anna pembuanganni tama dapo’ nanii api; indemoto nanii katumangiran sia kasisangeran isi.

MATIUS 24:51

nateba-tebai la’bo’ sia napakitai kataananna sisola to belo puduk. Indemoto nanii katumangiran sia kasisangeran isi.

MATIUS 25:30

Anna iatu kaunan tae’ gai’na pembuanganni tama malillinna dio salian; diomo la nanii katumangiran sia kasisangeran isi.

MATIUS 8:12

apa iatu to dianak lan Parenta iato la dipembuangan tama malillinna dio salian, diomo la nanii katumangiran sia kasisangeran isi.

LUKAS 13:28

Indemoto la minii tumangi’ sia sisange’ isimmi, ke mitiromi tu Abraham na Ishak na Yakub sia mintu’ nabi lan ParentaNa Puang Matua, apa dipembuangangkomi kamu lako salian.

YOHANES 21:18

Tonganna tongan Kukua mati’: Iatommu mangura, iko kalena ma’tambeke’ ammu male umba-umba nii muporai; apa iake matuamoko, la umpatadoko limammu, anna to senga’ umpatambeke’iko, anna baako umba-umba nii tu tang muporainna.

PENGGAURANNA RASULU’ 21:11

nasae umpellambi’ikan, naalai tu salipi’na Paulus, napungoanni lentekna sola limanna sia nakua: Inde sia tu kadanNa Penaa Masallo’, kumua iatu Puangna te salipi’ la napungo to Yahudi dio Yerusalem susite, anna sorongi lako to kapere’.

PENGGAURANNA RASULU’ 7:54

Iatonna rangii tinde tau tu iannato, re’dekmi ara’na sia singgarigi’-rigi’ isinna untiroi.

2 TESALONIKA 1:9

Tau iato la dipakario-rio kasanggangan sae lakona, dipatoyang dio mai oloNa Puang sia dio mai kamala’biran kuasanNa,

2 PETRUS 2:17

Tau iate mai susi kalimbuang marangke sia salebu’ nairi’ talimpuru’, tiparandanmo tu kapi’tukan lako kalena.

2 PETRUS 2:4

Belanna iake tae’i anNa dampangi Puang Matua tu malaeka’ tonna pogau’ kasalan, sangadinna Napembuangan tama naraka sia Napatama lo’ko’ kamalillinan sia Napattang sae lako diukungna,

YUDAS 1:13

susi bombang kapua lan tasik umpemburrusan kalena siri’na; susi bintoen tilele-lele; tau iato mai tiparandanmo kamapattangan lako kalena tontong sae lakona.

YUDAS 1:6

Sia mintu’ malaeka’ tang undampang pangka’na, sangadinna ussalai kao’koranna, Napattang rante bassi matontongan Puang naonganni kamalillinan sae lako pangukungan allo kapua iato.

KADA OMBO’ LAKO RASULU’ YOHANES 21:27

Apa inang tae’ anna la tama len tu apa maruttak, ba’tu to umpogau’ pagi’giranna sia to ma’kada mo’rang, sangadinna ia manna tu to tisura’ tu sanganna lan sura’ katuoanNa Anak domba.