MATIUS 22:12 - Sura' Madatu

¹² Nakuami ungkuanni: E sangmane, ma’apai mutama dio mai tang umpake pakean pa’maruasan rampanan kapa’? Kabelle-bellemi tinde tau.

MATIUS 22:12 ပူးပေါင်းရင်းမြစ်များ

AYUB 5:16

Iake susito den kapa’rannuananna to bitti’ sia kakadakean untutu’ pudukna.

PA’PUDIAN 107:42

Iatu to ma’bulo lollong parannu paiman la untiroi tu iannato, na iatu mintu’ kakadakean la ma’loko-loko.

YEREMIA 2:23

Umba mukua la ma’kada kumua: Tae’ aku kuruttakki kaleku, tae’ aku kuturu’i tu mai Baal? Tiromi tu lalanmu diong lombok, sia la muissan tu apa mangka napogau’, e unta mangura tu ma’dondo lu lako lu dio mai.

YEREMIA 2:26

Susi misa’ to boko kasirisan, ke diapparanni, susi dukamoto tu to Israel natoding siri’; iamotu tau iato mai sia mintu’ datunna sia arungna sia to minaanna sia nabinna,

MATIUS 20:13

Apa nakua mebali lako misa’na: E sangmane, tae’ nasala tu kupogau’ lako kalemu, tang misa’raka dinara’ tasipatui?

MATIUS 26:50

Nakuami Yesu ungkuanni: E sangmane, pogau’mi tu mutungkananna sae. Napentireke’imi tau iate mai napata’pai lima namane untingkanNi.

MATIUS 5:20

Belanna Kukua lako Kalemi: Iake tae’i nalosong tu kamaloloammi na iatu kamaloloanna pandita Sura’ sia to Farisi, dennoraka mila tama len Parenta Suruga.

ROMA 3:19

Apa taissan kumua samami dipokada lan Sukaran aluk, iamoto tu dipokadan to mengkanorong lako Sukaran aluk, dikua anna titutu’ nasang pudukna sia mintu’ issinna lino sipatu Napakannai ukungan Puang Matua.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

TITUS 3:11

Belanna muissan kumua iatu to susito tibalikmo tangnga’na sia kasalan, na ia kalenamo umpasala kalena.

1 SAMUEL 2:9

Ia ungkaritutui tu lentekna mintu’ pa’kaboro’Na, apa mintu’ to tang mekaaluk la sabu’ lan kamalillinan, belanna tae’ natete dio kamatotoranna tu misa’ muane pasau’.