MATIUS 21:3 - Sura' Madatu

³ Iake den tau umpa’kadaikomi, la mikua: den la Napapatuanni Puang, madomi’ bang sia la Napasule.

MATIUS 21:3 ပူးပေါင်းရင်းမြစ်များ

1 DATU 17:9

Ke’de’ko mumale lako Sarfat, lili’na Sidon, ammu torro dio; den sia dio tu baine balu mangkamo Kusua la umparakaiko.

EZRA 1:1

Iatonna taun pamulanna kadatuanna Koresh, datu Persia, Napatiakka’mi PUANG tu penaanna Koresh, datu Persia, kumua anna dipalanda’ tu kadanNa PUANG, tu nalopian Yeremia, anna mesua metamba-tamba lan lu mintu’ parentana sia napa’peissanan duka lan sura’ nakua:

EZRA 1:5

Attu iato ke’de’mi tu mintu’ pangulu rapunna Yehuda sia Benyamin, sia ia duka tu mintu’ to minaa sia to Lewi, iamotu mintu’ to Napatiakka’ Puang Matua tu penaanna la umbangun banuanNa PUANG, tu unnisungi Yerusalem.

EZRA 7:27

Mintu’ kadipudian lu lako PUANG, Kapenombanna nene’ to dolota, tu mangka umpatiakka’ penaanna datu la umpakala’bi’ banuanNa PUANG, tu unnisung dio Yerusalem,

PA’PUDIAN 24:1

Misa’ pa’pudian dio mai Daud. Iatu lino sola mintu’ issinna PUANG tu ampunna, iamotu tana kalua’ sia mintu’ apa tongkon lan.

MATIUS 21:2

sia Nakua ungkuanni: Malekomi lako tu tondok misipatuan, ammi ta’pa unnappa’ misa’ keledai disangkin sola anakna; bukai tu ulangna ammi banNa’ dio mai.

MATIUS 21:4

Mintu’nate iannate dadi nasangmo, kumua anna sundun tu kadanna nabi, tu nakua:

YOHANES 17:2

Susitu Kamu mangkamo umpa’kamasean kuasa lako Kalena umparentai tu mintu’ tolino, kumua na Ia pole’o umpapantanni katuoan tontong sae lakona tu Misorongna lako Kalena.

YOHANES 3:35

Napakaboro’ Ambe’ tu AnakNa sia mintu’na angge maritik Nasorong lako Kalena.

PENGGAURANNA RASULU’ 17:25

sia tae’ Nakamorai naparakai limanna tolino, butung to denpa apa Naanga’ ana Iari umpa’kamaseanni lako mintu’na tu katuoan, penaa sia mintu’na apa.

2 KORINTUS 8:16

Apa kurre sumanga’na langngan Puang Matua, tu mangka umpa’kamaseanni tu kamatutturan iato tama penaanna Titus tu belanna kamu.

2 KORINTUS 8:9

Belanna miissan tu pa’kamaseanNa Puangta Yesu (Kristus) kumua iatu Ia, moi anNa sugi’, apa mendadi kalala’ tu belanna kamu, kumua anna kamu umposugi’i tu kakalalaranNa.

YAKOBUS 1:17

Iatu mintu’na pamengan sia mintu’na pa’kamase lu dao mai, songlo’ dao mai Ambe’, oto’na mintu’ parrangna dao langi’, Iamotu tang membali sia tae’ natimbayo len katileleanNa.

1 SAMUEL 10:26

Sule dukami tu Saul lako banuanna dio Gibea nasolan to barani tu Napatiakka’ Puang Matua penaanna.