MATIUS 21:12 - Sura' Madatu

¹² Malemi tu Yesu tama to’ Banua Kabusungan, Narambai tu mintu’ to ma’baluk sia to mangalli lan to’ Banua Kabusungan. Nabalittua’i tu mai medana to ussapi’ doi’ sia o’koranna to ma’baluk bu’ku’;

MATIUS 21:12 ပူးပေါင်းရင်းမြစ်များ

KATASSURAN 30:13

Iatu pada la napennoloan to naala bilangan iato, iamotu sangtangnga sikele’, tu pada timbangan sikele’ masero – iatu sikele’ iato duangpulo gera angga’na – iatu sangtangnga sikele’ iamo doi’ pa’duruk, la dipennoloan lako PUANG.

SURA’ KATOMINAAN 1:14

Iake manuk-manukki tu pemala’na lako PUANG, iamotu pemala’ ditunu pu’pu’, la napennoloan tu bu’ku’ ba’tu anak dangan-dangan.

SURA’ KATOMINAAN 12:6

Iake ganna’mi tu mintu’ allo kadipamaseroanna, belanna pia muane ba’tu pia baine la nabaa tu misa’ anak domba sangtaunmo la dipopemala’ ditunu pu’pu’ sia misa’ anak dangan-dangan ba’tu bu’ku’ diposuru’ pengkalossoran, lako to’ ba’ba Tenda Kasitammuan, lako to minaa.

SURA’ KATOMINAAN 12:8

Apa iake tang nalambi’i peallinna tu misa’ anak domba, la naala tu da’dua bu’ku ba’tu da’dua anak dangan-dangan: misa’ dipopemala’ ditunu pu’pu’ sia misa’ diposuru’ pengkalossoran, anna to minaa la umpadenanni kadiseroian kasalan, namane masero.

SURA’ KATOMINAAN 14:22

Sia bu’ku’ duka da’dua ba’tu anak dangan-dangan da’dua sitinaya pa’belanna, iatu misa’ la diposuru’ pengkalossoran na iatu misa’ la dipopemala’ ditunu pu’pu’.

SURA’ KATOMINAAN 14:30

Mangkato la umpasakka’ misa’ bu’ku’ ba’tu misa’ dangan-dangan, iamotu apa sitinaya pa’belanna;

SURA’ KATOMINAAN 15:14

Ianna allo ma’pengkaruamo la naala tu da’dua bu’ku ba’tu da’dua anak dangan-dangan, anna sae lako oloNa PUANG dio to’ ba’ba Tenda Kasitammuan sia la naben to minaa.

SURA’ KATOMINAAN 15:29

Ianna allo ma’pengkaseramo la naala tu da’dua bu’ku’ ba’tu da’dua anak dangan-dangan, anna baai lako to minaa dio to’ ba’ba Tenda Kasitammuan.

SURA’ KATOMINAAN 5:11

Apa iake tang nabelai umpadenni tu da’dua bu’ku’ ba’tu da’dua anak dangan-dangan, ta’pung manisak pissan taa sangpulona epa napemalaran diona tu kasalan napogau’. Apa da nabolloi minna’, ba’tu naparokkoi dupa, belanna iamote tu misa’ suru’ pengkalossoran.

SURA’ KATOMINAAN 5:7

Apa iake tang nabelai umpaden misa’ patuoan bitti’, la napennoloan lako PUANG tu da’dua bu’ku’, ba’tu da’dua anak dangan-dangan la usseroi tu kasalan napogau’, iamotu misa’ la diposuru’ pengkalossoran, na iatu misa’ dipopemala’ ditunu pu’pu’.

MARKUS 11:11

Malemi tama Yerusalem tama to’ Banua Kabusungan; iatonna mangka nasangmo untiroi tu mintu’ apa untikuI, belanna makaroenmo, sunMi Namale lako Betania sola anak gurunNa sangpulo dua.

LUKAS 2:24

sia la umpemalaran pemala’, susitu dipokada lan Sukaran alukNa Puang: tu bu’ku’ da’dua ba’tu da’dua anak bu’ku’ ala’.

YOHANES 2:13

Mandappi’mo allo Pasa to Yahudi, Nake’de’ tu Yesu langngan Yerusalem.