MATIUS 21:10 - Sura' Madatu

¹⁰ Iatonna tamamo Yerusalem, marambami tu mintu’ tau lan tondok iato, nakua: Mindamora te?

MATIUS 21:10 ပူးပေါင်းရင်းမြစ်များ

PA’TENDENG BALLO 3:6

Apara ia tu sae dio mai padang aak, susito lentong rambu, ma’bau muru sia dupa sia mintu’ pebangki’ busarungngu’na to ma’balili?

YESAYA 63:1

Mindaraka tu sae dio mai Edom, tu lu dio mai Bozra ma’pakean rarrang, tu ma’pakean ballo, lumingka maamba-amba to lalong sia mawatang? Akumorato, tu umpokada kamaloloan sia matoto’ parampanan.

MATIUS 2:3

Iatonna rangii datu Herodes tu iannato, tirambanmi sola tu mintu’ pa’tondokan dio Yerusalem.

MATIUS 21:11

Nakuami tu to buda: Iamo nabi tu, Yesu to dio mai Nazaret dio tana Galilea.

MATIUS 21:9

Iatu to buda, tu dolona dio tingayoNa sia undinna unturu’I, unnarrak-arrak, nakua: Hosanna tu Anakna Daud, Kurre sumanga’Na tu saeNa umpotete sanganNa Puang, Hosanna dao masuanggana.

LUKAS 20:2

sia ma’kada tinde tau lako nakua: Pokadangkanni kuasa apara Mipokuasa umpogau’i te mintu’na te, ba’tu mindaraka umpakuasaKomi?

LUKAS 5:21

Mintu’na pandita Sura’ sia to Farisi naparandukmo ma’tangnga’-tangnga’ sia ma’kada kumua: To apara Ia te ma’kada solang bang? Minda pole’ tu la umpa’dei kasalan, sangadinna Puang Matua?

LUKAS 7:49

Iatu mintu’na tau unno’ko’ sola Yesu kumande, sipa’kada-kada kalena, nakua: Mindaraka Ia te Tau iate, nala umpa’deira kasalan?

LUKAS 9:9

Nakuami Herodes: Mangka kuta’takki ulunna tu Yohanes, mindara ia te kunii urrangi kumua susi a’ganna to? Undaka’mi tangnga’ datu la morai untiroI.

YOHANES 2:18

Mebalimi tu to Yahudi nakua lako Yesu: Apara tu tanda la Mipakitangkan, kumua ma’dinKomi umpogau’i susito?

PENGGAURANNA RASULU’ 9:5

Nakuami mebali: MindaroKomi, Puang? Ma’kadami nakua: Akumo Yesu, tu mupakario-rio.

RUT 1:19

Tarru’mi lumingka sola duai sae lako Betlehem. Iatonna rampomo tama Betlehem, tirambanmi tu mintu’ tau lan kota diona Naomi sia ma’kada tu baine iato mai nakua: Iamoraka Naomi tu?

1 SAMUEL 16:4

Napogau’mi Samuel susitu kadanNa PUANG, anna male lako Betlehem. Pada saemi sipa’parondoan tu mintu’ pangulunna tondok iato, anna ma’kada nakua: Melo siaraka tu misaean?