MATIUS 20:8 - Sura' Madatu

⁸ Iatonna bongimo nakuami tu puangna tinde pa’lak anggoro’ lako bandoro’na: Tambaimi tu to mengkarang, benni tu sarona, randuk dio mai tu undi’-undi’na tama sae lako dolo’-dolo’na.

MATIUS 20:8 ပူးပေါင်းရင်းမြစ်များ

KADADIAN 15:2

Ma’kadami Abram nakua: O PUANG Puangku, apara tu la Mikamaseanna’, belanna la tontong bangna’ susito, tang la keanak, na iatu Eliezer, to Damsyik, iamo la umpomana’ barang apangku?

KADADIAN 43:19

Iamoto napentireke’i tu to matappa’na Yusuf lan banuanna anna sipa’kada-kada dio to’ ba’ba.

SURA’ KATOMINAAN 19:13

Da mupandasa padammu ma’rupa tau sia da murampa barang apanna; sia sarona to sumaromu da mupopa’bongii sae lako masiangna.

MATIUS 20:7

Nakuami tinde tau lako: Belanna tae’ bang tau ussarokan. Nakuami lako: Male dukakomi inde tu tama pa’lak anggoro’.

MATIUS 20:9

Iatonna sae tu to sitette’ lima makaroen namane tama, natarimami simisa’ dinara’ namisa’i.

MATIUS 25:19

Iatonna ba’tu sangapa-apa undinnato, saemi tu puangna tinde mintu’ kaunan anna sisalu.

MATIUS 25:31

IanNa sae tu Anak rampan dilino nakabu’ kamala’biranNa, sia naturu’ mintu’ malaeka’Na, anNa unno’ko’ dao isungan kapayunganNa;

LUKAS 10:7

La torro dukakomi dio tu banua, kandei sia iru’i tu natadoangkomi, belanna iatu to mengkarang sipatu unnala sarona; sia da mima’lele-lele dio mai misa’ banua lako banua senga’.

LUKAS 12:42

Nakuami Puang: Mindara tu to ma’kampa banua maruru’ sia kinaa, tu naangka’ puangna la ungkapalai mintu’ kaunanna, la umpapantanni kande, ke allu’naomi?

LUKAS 8:3

Yohana, bainena Khuza, to manappa’ lan banuanna datu Herodes sia Susana sia budapa tau senga’, tu ungkaritutui umbenni apa-apanna.

2 KORINTUS 5:10

Belanna tae’ nasalai tang payan nasangki’ dio tingo isungan pangra’tasanNa Kristus, anta pantan untarimai tu pakkanna, tumba tu mangkanna tapogau’ tonta lanpa batang kaleta, la melo la kadake.

PA’TOLE 24:15

Allo ia dukato la mubaya’ tu sarona, ke tae’pi nalambun allo, belanna to kalala’ sia narannuammo – kumua da nasumarro lako PUANG diona gau’mu ammu kasalan.

TITUS 1:7

Belanna iatu to ma’panundu’ la susito makatirinnanNa Puang Matua tae’ len sayuanna, da nato umpakapua penaanna, da nato madoi’ sengke, da nato pa’anggoro’, ba’tu to passiboboran, ba’tu to mesaro bu’tu kadake;

IBRANI 9:28

susi dukamo Kristus, tonna mangkamo pissan dipemalaran la ullendokan kasalanna to buda, anna iake ma’penduannami, tang untanggungmo kasalanna tau, anNa tiroi mintu’ to untayanNi la napomakarimman.

1 PETRUS 4:10

La sikamayangkomi sitinayanna pa’kamase dio kale simisa’-misa’mi, susito mangringki mapato tu dipaingko’i ma’rupa-rupa pa’kamaseanNa Puang Matua.

RUT 2:6

Mebalimi tu taunna, tu umbandoro’i to massasa’ dalle sisikan, nakua: Iamote tu misa’ baine mangura lu dio mai Moab, tu sae sola Naomi dio mai padang marantena Moab.