MATIUS 2:22 - Sura' Madatu

²² Iatonna rangimi kumua Arkhelaus dadi datu dio tana Yudea ussonda Herodes ambe’na, batami tu Yusuf lao lako; apa belanna Napatudu Puang Matua lan tindona, sepang lu lakomi parenta Galilea,

MATIUS 2:22 ပူးပေါင်းရင်းမြစ်များ

PA’PUDIAN 121:8

PUANG la urrinding pala’ko lan torro ke’de’mu, randuk totemo landa’ sae lakona.

PA’PUDIAN 48:14

Tiro meloi tu benteng salianna sia manta-mantai tu mai tongkonanna, ammi issanni unnuleleananni bati’mi,

PA’PUDIAN 73:24

Kamu la umpatudu lalanna’ tete dio pa’timbangamMi, naundinna to Mipatamana’ kamala’biran.

YESAYA 30:21

Iake la sepangkomi lako kairi ba’tu lako kanan, la murangi tu kada dipokada dio boko’mu, nakua: Iamote tu lalanna, la miolaimo.

MATIUS 1:20

Apa iatonna susimo tangnga’na to, nakita tindomi tu malaeka’Na Puang misa’, nakua: E Yusuf, tarukna Daud, da mubata unnalai tu Maria mupobaine, belanna iatu natambuk lu dio mai Penaa Massallo’.

MATIUS 2:1

Iatonna dadimo tu Yesu dio Betlehem, tana Yudea, tonna linona datu Herodes, saemi to patanda-tandan, to dio mai padang rampe matallo, lako Yerusalem,

MATIUS 2:19

Iatonna matemo tu Herodes, nakita tindomi Yusuf tu misa’ malaeka’Na Puang dio tana Mesir,

MATIUS 2:21

Millikmi, namale ussolanni tinde Pia sola indo’Na, narampo lako tana Israel.

MATIUS 3:13

Pakalan saemi Yesu dio mai Galilea lako Yordan umpellambi’i Yohanes la ma’popedio’, anna dio’i Yohanes.

LUKAS 2:39

Iatonna mangkamo umpogau’i tu mintu’na tu natuntunna Sukaran alukNa Puang Matua, sulemi lako Galilea, lako tondokna siamo dio Nazaret.

YOHANES 7:52

Mebalimi tu tau sia nakua ungkuanni: To Galilea dukarokoka pale’? Pemarangai sia tiroi, kumua tae’ ia misa’ nabi bu’tu dio mai Galilea.

1 SAMUEL 16:2

Apa nakua Samuel: Umba la kukua male? Iake narangii Saul, manassa napateina’. Nakuami PUANG: Baako misa’ anak sapi, ammu kuai: iate aku sae la memala’ lako PUANG.