MATIUS 2:20 - Sura' Madatu

²⁰ sia nakua: Millikko musolanni tu Pia sola indo’Na, mumale lako tana Israel, belanna mate nasangmo tu to la morai umpatei tu Pia.

MATIUS 2:20 ပူးပေါင်းရင်းမြစ်များ

1 DATU 11:21

Iatonna rangimi Hadad dio Mesir, kumua iatu Daud malemo tama batu dilobang sola nene’ to dolona sia matemo tu Yoab, kamandang lompo, ma’kadami tu Hadad lako Firaun, nakua: Eloranna’male sule lako tondokku.

1 DATU 11:40

Undaka’mi lalan tu Salomo la umpatei Yerobeam, apa ke’de’ tu Yerobeam namallai lako Mesir, lako Sisak, datu Mesir, anna torro dio Mesir sae lako matena Salomo.

KATASSURAN 4:19

Ma’kadami PUANG lako Musa tonna diopa Midian. Nakua: Sulemoko lako Mesir, belanna iatu mintu’ tau la umpateiko, matemo.

MATIUS 2:13

Malena sia tu to patanda-tandan, nakita tindomi Yusuf tu misa’ malaeka’Na Puang, nakua: Millikko, ammu alai tu Pia sola indo’Na, ammu pallaianni lako Mesir, ammu torro dio sae lako kukuammu, belanna napengkali-kalii Herodes undaka’ lalan la umpatei tu Pia.

MATIUS 2:19

Iatonna matemo tu Herodes, nakita tindomi Yusuf tu misa’ malaeka’Na Puang dio tana Mesir,

MATIUS 2:21

Millikmi, namale ussolanni tinde Pia sola indo’Na, narampo lako tana Israel.