MATIUS 2:16 - Sura' Madatu

¹⁶ Undinna tonna issanmi Herodes kumua napakena to patanda-tandan, lendu’mi sengkena, nasuami tu tau lao umpatei tu mintu’ pia’-pia’ muane, tu lanna tondok Betlehem sia lan mintu’ lili’na, tu ma’angge duang taunnamo dadinna, naagian dio mai tu mangkanna napesumpu lako to patanda-tandan.

MATIUS 2:16 ပူးပေါင်းရင်းမြစ်များ

KADADIAN 39:14

natambaimi tu mintu’ tau lan banuanna nama’kada lako nakua: Tiromi, nabaangki’ sae te to Ibrani, la umpaningo-ningoiki’, belanna sae lako kaleku la ussangamparanna’, apa metambana’ umpekapuai gamarangku.

KADADIAN 39:17

Napokadami lako tu mintu’na kada iato, nakua: Iate kaunan to Ibrani tu mubaangkan sae, sae lako kaleku umpaningoina’.

KADADIAN 49:7

Tampak ropu tu kasengkeanna, belanna napukan ara’na, sia kare’dekanna ara’na, belanna masa’ga’. La kupopentialla’ lan lu mintu’ bati’na Yakub sia la kupasisarak-sarak lan lu to Israel.

2 DATU 8:12

Nakuami tu Hazael: Ma’apai mitumangi’ra? Mebalimi nakua: Belanna kutandai tu mintu’ kadake la migauran to Israel: la miballa tu bentengna sia la mipatei pa’dang tu mai pia muanena sia la miru’puk-ru’puk tu mai pia’-pia’na sia la miballak tu mai baine ma’tambuk.

AYUB 12:4

Napokatelleanna’ padangku ma’rupa tau, iatu aku Naperangiina’ Puang Matua, ke meongli’na’ lako Kalena; napokattellean to malambu’ sia to mengkaola lako Puang.

SARAMBU PEADA’ 28:15

Susi singa umburrung sia susi beruang tangdia’, susi dukamo a’ganna to tu pangulu tang mekaaluk umparenta misa’ bangsa malamma’.

SARAMBU PEADA’ 28:17

Iatu tau untanggungi rarana tau tu napatibollo, la mallai sae lako panglamunan; da nadampai tau.

YESAYA 26:21

Belanna la sun tu PUANG lan mai inanNa la umpapakkanni kakadakeanna mintu’ issinna lino lako tau iato mai; la napasombo lino tu rara tibollona tau iato mai sia nokamo ussamboi tu mai batang rabukna tu mai to mate dipongko.

YESAYA 59:7

Iatu lentekna matira’ la umpogau’ kakadakean sia madomi’ umpatibollo rarana to tang sala; mintu’ karangan inaanna, tangnga’ kabulitukan manna sia dio lalanna kasanggangan manna sia kamatilakan.

DANIEL 3:13

Sengkemi tu Nebukadnezar sia re’dek tongan ara’na, namesua unnalai tu Sadrakh, Mesakh sia Abednego. Nabaammi tau tu tau sola tallu umpennoloi datu.

HOSEA 10:14

Iamoto anna dadi tu kamarukkan unnea bangsamu, sia la disanggang tu mintu’ kota bentengmu, susi Salman ussanggang Bet-Arbel, tonna bendan kasirarian, tonna pessambakanni tu indo’ sola anakna.

KADIBILANGAN 22:29

Ma’kadami tu Bileam lako keledai birang iato nakua: Belanna mupopaningoanna’; kengku toe pa’dang, manassa kupateiko.

KADIBILANGAN 24:10

Dukkumi tu kasengkeanna Balak lako Bileam, napasisala’pami tu limanna, anna ma’kada tu Balak lako Bileam nakua: Kutambaikomi la untampakki ropu ualingku, nakutiro pentallunmokomi situru’-turu’ umpassakkei tu tau iato.

MATIUS 2:1

Iatonna dadimo tu Yesu dio Betlehem, tana Yudea, tonna linona datu Herodes, saemi to patanda-tandan, to dio mai padang rampe matallo, lako Yerusalem,

MATIUS 2:17

Tonna iato sundunmo tu apa napokada nabi Yeremia, kumua:

MATIUS 2:7

Pakalan natambai bunimi Herodes tu to patanda-tandan, anna pesumpui lako kumua sangapamo dukkunna tu bintoen.

KADA OMBO’ LAKO RASULU’ YOHANES 12:4

iatu ikko’na urriu’ sangtaa tallunna mintu’ bintoen dao langi’, anna pentibeanni tama lino. Bendanmi tu naga iato dio tingayona tu baine marassan mangurria’, kumua ianna kianakmo la naamma’ tu Anakna.

KADA OMBO’ LAKO RASULU’ YOHANES 17:6

Kutiromi tu baine iato nalango rara, rarana mintu’ to masallo’ sia rarana mintu’ to ungkatottongI Yesu. Lendu’ mangngaku untiroi.

TO PARENGNGE’ 16:10

Ma’kadami tu Delila lako Simson, nakua: Manassa mipakenana’ sia mibuttokkina’. Pokadan tonganna’ apara tu ma’din dipungoangkomi.