MATIUS 2:15 - Sura' Madatu

¹⁵ Torro bangmi dio sae lako matena Herodes, kumua anna sundun tu apa Napokada Puang tu sun dio pudukna nabi, kumua: Dio mai Mesir Kunii untambai tu AnakKu.

MATIUS 2:15 ပူးပေါင်းရင်းမြစ်များ

KATASSURAN 4:22

Attu iato la ma’kadako lako Firaun, kumua: Susite tu kadanNa PUANG: Iatu Israel anakKu muane, iamo anak pa’bunga’Ku.

HOSEA 11:1

Iatonna piapa tu Israel, Kupakaboro’ sia Kutambai tu anakku dio mai Mesir.

KADIBILANGAN 24:8

Puang Matua, tu ussolanni lan mai Mesir, Iamo napomatoto’ butung to tanduk sapi laki lampung. Mintu’ bangsa tu napouali naampello’mira, sia iatu mai bukunna nale’to-le’to, sia natarru’mira tinaran tu tau iato mai.

MATIUS 1:22

Mintu’nato dadimo kumua anna sundun tu apa Napokada Puang tu sun dio pudukna nabi, kumua:

MATIUS 2:14

Millikmi, namale ussolan bongii tinde Pia sola indo’Na, mallai lako Mesir.

MATIUS 2:17

Tonna iato sundunmo tu apa napokada nabi Yeremia, kumua:

MATIUS 2:19

Iatonna matemo tu Herodes, nakita tindomi Yusuf tu misa’ malaeka’Na Puang dio tana Mesir,

MATIUS 2:23

rampomi dio natorro lan misa’ kota disanga Nazaret, kumua anna sundun tu kadanna mintu’ nabi, kumua la digente’ To Nazaret tu Yesu.

MATIUS 21:4

Mintu’nate iannate dadi nasangmo, kumua anna sundun tu kadanna nabi, tu nakua:

MATIUS 26:54

Iake susito, umbamo la dikua ussundunni tu lanna Sura’ Madatu tu nakua, tae’ nasalai tang dadi susito?

MATIUS 26:56

Apa mintu’na te dadi, kumua anna sundun tu lanna sura’na mintu’ nabi. Sangmallaiammi tu anak gurunNa ussitampei.

MATIUS 27:35

Tonna mangka unna’ta’i tu Yesu, nasitaaimi tu pakeanNa nasire’tekki.

MATIUS 8:17

kumua anna sundun tu kadanna nabi Yesaya, tu nakua: Iamo unnalai tu kamakuyuanta sia ussondokanni tu mintu’ sakinta.

LUKAS 24:44

Nakuami lako tinde tau: Iamote tu kada KupokadangKomi tonta sisolapa, kumua tae’ nasalai tang disundunninna te mintu’nate, tu disura’na lan sura’ Sukaran alukna Musa sia lan sura’na mintu’ nabi sia lan sura’ nanian pa’pudian diona Aku.

YOHANES 19:28

Undinnato, belanna Naissan Yesu kumua sundun nasangmo, kumua anna sundun tu kada lan Sura’ Madatu, Nakuami: Ma’rangNa’.

YOHANES 19:36

Belanna iatu iannato dadimo, kumua anna sundun tu kada lan Sura’ Madatu nakua: Moi misa’ bukunNa tae’ la dile’to.

PENGGAURANNA RASULU’ 1:16

E mintu’ki’ sangsiuluran, tae’ nama’din tang disundunni tu kada lan Sura’ Madatu, susitu napokada dolomo Penaa Masallo’ sun dio pudukna Daud tu diona Yudas dadi panglalanna to untingkan Yesu.