MATIUS 2:13 - Sura' Madatu

¹³ Malena sia tu to patanda-tandan, nakita tindomi Yusuf tu misa’ malaeka’Na Puang, nakua: Millikko, ammu alai tu Pia sola indo’Na, ammu pallaianni lako Mesir, ammu torro dio sae lako kukuammu, belanna napengkali-kalii Herodes undaka’ lalan la umpatei tu Pia.

MATIUS 2:13 ပူးပေါင်းရင်းမြစ်များ

1 DATU 11:17

Apa mallai tu Hadad sia ba’tu pira-pira to Edom, to mase’ponna ambe’na, nasolan la umpallaian kalena lako Mesir; na attu iato mangura tonganpa tu Hadad.

1 DATU 3:5

Dio Gibeon ombo’mo tu PUANG lako Salomo lan tindona tonna ibongi, sia ma’kada tu Puang Matua Nakua: Palakui apara tu la Kubenko?

AYUB 33:15

Iamotu lan misa’ pangimpi, sia lan misa’ patiro mendeata kebongi, ke narampoimi mamma’ kalupi-lupian tu tolino, ke mamma’i dao patindoanna –

AYUB 33:17

la umpatibalikki tu ma’rupa tau dio mai penggauranna, sia la umpatoyangi tu tolino dio mai kamatampoanna,

KATASSURAN 1:22

Mesuami tu Firaun lako mintu’ taunna, nakua: Mintu’ tu pia muane la dadi, tae’ mitang la umpembuanganni rokko salu Nil, apa iatu mintu’ pia baine patuoi.

MATIUS 1:20

Apa iatonna susimo tangnga’na to, nakita tindomi tu malaeka’Na Puang misa’, nakua: E Yusuf, tarukna Daud, da mubata unnalai tu Maria mupobaine, belanna iatu natambuk lu dio mai Penaa Massallo’.

MATIUS 10:23

Ianna pakario-riokomi tau lan misa’ kota, mallaikomi lako kota senga’, belanna tonganna tongan Kukua mati’, kumua tae’ naupu’ misalongi tu mintu’ kota Israel, ke tae’i nasae tu Anak rampan dilino.

MATIUS 2:12

Iatonna patudumi Puang Matua tinde tau lan tindona kumua da nasule lako Herodes, sulemi tinde tau lako tondokna unnola lalan senga’.

MATIUS 2:14

Millikmi, namale ussolan bongii tinde Pia sola indo’Na, mallai lako Mesir.

MATIUS 2:16

Undinna tonna issanmi Herodes kumua napakena to patanda-tandan, lendu’mi sengkena, nasuami tu tau lao umpatei tu mintu’ pia’-pia’ muane, tu lanna tondok Betlehem sia lan mintu’ lili’na, tu ma’angge duang taunnamo dadinna, naagian dio mai tu mangkanna napesumpu lako to patanda-tandan.

MATIUS 2:22

Iatonna rangimi kumua Arkhelaus dadi datu dio tana Yudea ussonda Herodes ambe’na, batami tu Yusuf lao lako; apa belanna Napatudu Puang Matua lan tindona, sepang lu lakomi parenta Galilea,

PENGGAURANNA RASULU’ 10:22

Nakuami tinde tau: Na tu Kornelius, pangulunna kaponan surodadu, iamo misa’ to malambu’ sia ungkataku’ Puang Matua sia napokada melo mintu’ to Yahudi, Napatudumo Puang Matua naparampo malaeka’ madatu untambaikomi lako banuanna la umperangii tu kadammi.

PENGGAURANNA RASULU’ 10:7

Iatonna pa’demo tu malaeka’ nasipa’kadan, natambaimi da’dua tu kaunanna, namisa’ surodadu umpengkaolai Puang Matua, lan mai tu to biasa umparakai;

PENGGAURANNA RASULU’ 12:11

Iatonna mengkilalamo tu Petrus, nakuami: Totemo manassamo kuissan kumua Puang ussua malaeka’Na urrampananna’ dio mai limanna Herodes sia dio mai mintu’ lalan penaanna to Yahudi.

PENGGAURANNA RASULU’ 12:7

pakalan nabendanmo misa’ malaeka’Na Puang inde to dio, sia den arrang parrang lan bilik iato; nasa’pa-sa’pami tu la’pekna Petrus sia natundan nakua: Millikko madomi’! Tobangmi tu rantena lan mai limanna.

PENGGAURANNA RASULU’ 16:36

Naparampomi sapiri lako Paulus tu kada iato, nakua: Napesuammo petoro’ urrampanangkomi. Iamoto sun marampa’mokomi mimale.

PENGGAURANNA RASULU’ 5:19

Apa nabungka’ malaeka’Na Puang tu ba’ba pa’tarungkuan tonna bongi, natassu’i lan mai sia nakua:

PENGGAURANNA RASULU’ 7:19

Natangnga’mi datu iato tu bangsata sia napakario-rio tu nene’ to dolota, belanna naparuku untibei tu anak mane dadinna, kumua da napatale’ bati’.

YOSUA 3:13

Iake mellesemi lan to’ uai Yordan tu pala’ lette’na mintu’ to minaa tu umbulle patti PUANG, Iamo Puangna mintu’ ma’dandan maritik dao kuli’na padang, tipa’duami tu uai Yordan; na iatu uai lolong daa mai ulunna la tadang butung to misa’ panampo.

YOSUA 3:17

Apa iatu mintu’ to minaa, tu umbulle patti basseNa PUANG, bendan bantang dio to’ karangkeanna lan tangnga Yordan, anna tongke lamban tu mintu’ to Israel dio to’ karangkeanna sae lako tappunna tu mintu’ bangsa iato ullamban Yordan.

YOSUA 4:10

Iatu mintu’ to minaa, tu umbulle patti, torro bendan lan tangnga Yordan sae lako sundunna tu mintu’ apa Napa’parentan PUANG lako Yosua la umparampoi lako bangsa iato, susitu mintu’ apa napasan Musa lako Yosua. Tikara-karami lamban tu bangsa iato.

YOSUA 4:18

Iatonna kendekmo diong mai tangnga Yordan tu mintu’ to minaa umbulle patti basseNa PUANG sia iatonna mane tiangka’ tu lette’na diong mai ullese karangkeanna, pakalan sulemi tu uai Yordan lako inanna sia lolong susito dolona unturu’ mintu’ biringna.

KADA OMBO’ LAKO RASULU’ YOHANES 12:14

Dibenmi baine iato tu da’dua pani’ langkan maega kapua, kumua anna kullei mettia’ lako padang aak, lako to’ inanna, tu inan dinii undaranai lan misa’ attu sia lan dua attu sia lan sangsese attu, mambela dio mai pakitanna ula’.

KADA OMBO’ LAKO RASULU’ YOHANES 12:4

iatu ikko’na urriu’ sangtaa tallunna mintu’ bintoen dao langi’, anna pentibeanni tama lino. Bendanmi tu naga iato dio tingayona tu baine marassan mangurria’, kumua ianna kianakmo la naamma’ tu Anakna.

KADA OMBO’ LAKO RASULU’ YOHANES 12:6

Mallaimi tu baine iato lako padang aak; inde to, den misa’ inan Naparandananni Puang Matua, kumua anna didaranai inde to dio sangsa’bu duaratu’ annan pulona allona.